ലഖ്‌നൊ: ഉത്തർപ്രദേശിലെ ഹത്രാസിൽ ബലാത്സംഗത്തിനിരയായി കൊല്ലപ്പെട്ട പെൺകുട്ടിയുടെ വീട്ടിലേക്ക് പോകും വഴി പ്രിയങ്കാ ഗാന്ധിയെ കൈയ്യേറ്റം ചെയ്ത സംഭവത്തിൽ പൊലീസ് മാപ്പ് പറഞ്ഞു.

സംഭവം നടന്ന് 24 മണിക്കൂറിനു ശേഷമാണ് ഉത്തർപ്രദേശ് പോലീസ് ഖേദം പ്രകടിപ്പിക്കുന്നത്. പൊലീസിന്റെ നടപടിക്കെതിരെ വ്യാപകമായി പ്രതിഷേധം ഉയർന്നുവരുന്നതിനിടെയാണ് മാപ്പ് ചോദിച്ച് പൊലീസ് രംഗത്തെത്തിയത്.

പെൺകുട്ടിയുടെ വീട്ടിലേക്ക് പോവും വഴി നോയിഡയിലെ ടോൾ ഗേറ്റിൽവച്ച് പുരുഷ പോലീസ് ഉദ്യോഗസ്ഥർ പ്രിയങ്കയുടെ വസ്ത്രം പിടിച്ചു വലിച്ചിരുന്നു. അതിക്രമത്തിന്റെ ദൃശ്യങ്ങൾ പുറത്തുവന്നതോടെ സംഭവത്തിൽ അന്വേഷണത്തിനും യു.പി പോലീസ് ഉത്തരവിട്ടു.

യു.പി പൊലീസിന്റെ നടപടിക്കെതിരെ നിരവധി പേർ രംഗത്തെത്തിയിരുന്നു. യോഗിയുടെ കീഴിലെ പൊലീസിൽ വനിതാ പൊലീസ് ഇല്ലേ എന്ന് പ്രിയങ്കാ ഗാന്ധിയുടെ കുർത്തയിൽ ബലമായി പിടിച്ചുവലിക്കുന്ന യു.പി പൊലീസിന്റെ ചിത്രം പങ്കുവെച്ചുകൊണ്ട് ശിവസേന നേതാവ് സഞ്ജയ് റാവത്ത് ചോദിച്ചു.

Leave a Reply

Your email address will not be published. Required fields are marked *

Check Also

ഊരാളുങ്കല്‍ സൊസൈറ്റി കോഴിക്കോട് ഓഫീസില്‍ ഇ.ഡി പരിശോധന

    കോഴിക്കോട്: സ്വര്‍ണക്കടത്തുമായി ബന്ധപ്പെട്ട കള്ളപ്പണ, മിനാമി ഇടപാടുകള്‍ അന്വ…