എത്ര കിട്ടിയാലും പഠിക്കില്ലെന്ന തരത്തിലാണ് എം.എം മണിയെപ്പോലെയുള്ള നേതാക്കളെന്ന് കെ.കെ. രമ. സിപിഐ പ്രവര്ത്തക ആനി രാജയ്ക്കെതിരെ അധിക്ഷേപ പരാമര്ശവുമായി മുന് മന്ത്രി എംഎം മണി രംഗത്തെത്തിയതിന് പ്രതികരിക്കുകയായിരുന്നു രമ. മോശം പ്രസ്താവനകള് പാര്ട്ടിയെയാണ് അസ്ഥിരപ്പെടുത്തുന്നതെന്ന് എം.എം മണി മനസിലാക്കുന്നില്ല. ഇതിനെ ന്യായീകരിക്കുകയാണ് കുറേയാളുകള്. ആനി രാജയുടേത് ഒരു കമ്മ്യൂണിസ്റ്റുകാരിയുടെ വാക്കുകളാണ്. അത് ആര്ജവത്തോടൂ കൂടി ആനി രാജ പറഞ്ഞതാണ് എം.എം. മണിയെ പൊള്ളിച്ചത്. അതിനാലാണ് അവരെ മോശക്കാരിയാക്കിയത്. സി.പി.ഐ.എമ്മിനെതിരെ പറയുന്നവരെയെല്ലാം മോശക്കാരാക്കുന്ന പ്രവണതയാണ് കണ്ടുവരുന്നത്.എം.എം. മണി എത്ര കാലമായി സ്ത്രീകള്ക്കെതിരെ മോശം പരാമര്ശം നടത്തുന്നു. പാര്ട്ടി നേതൃത്വം എന്നോട് ഒന്നും പറഞ്ഞില്ലല്ലോ എന്നാണ് മണി ചോദിക്കുന്നത്. നാടന് ഭാഷ എന്ന് പറഞ്ഞ് ഇതിനെയെല്ലാം കുറച്ചുകാണുകയാണ് പാര്ട്ടി നേതൃത്വം. എത്ര ക്ലാരിറ്റിയോടെയുള്ള പ്രസ്താവനയാണ് ആനി രാജ നടത്തിയത്. അതിനെതിരെ ഇത്തരം വാക്കുകള് പ്രയോഗിക്കുന്നത് ശരിയാണോ. ഇവരെ നിയന്ത്രിക്കാന് സിപിഐഎം തയ്യാറായില്ലെങ്കില് അവര്ക്ക് വലിയ അധപ്പതനമാകും ഉണ്ടാവുകയെന്നും കെ.കെ. രമ എം.എല്.എ വ്യക്തമാക്കി.കെ കെ രമയ്ക്കെതിരായ പരാമര്ശത്തില് സിപിഐയുടെ വിമര്ശനം കാര്യമാക്കുന്നില്ലെന്നാണ് മണി സൂചിപ്പിച്ചത്. സമയം കിട്ടിയാല് കൂടുതല് ഭംഗിയായി പറഞ്ഞേനെയെന്നും എംഎം മണി പറഞ്ഞു. അവര് ഡല്ഹിയില് അല്ലേ ഉണ്ടാക്കല്, സിപിഐയുടെ പരാമര്ശം കാര്യമാക്കുന്നില്ല. ഇന്നലെ തൊടുപുഴയില് സിപിഐഎം സംഘടിപ്പിച്ച പരിപാടിയില് വെച്ച് മാധ്യമങ്ങളോട് സംസാരിക്കുകയായിരുന്നു മണിയുടെ പരാമര്ശം.സിപിഐ പറഞ്ഞത് ഞാന് കാര്യമാക്കുന്നില്ല. ആനി രാജ ഡല്ഹിയിലല്ലേ, കേരള നിയമ സഭയിലല്ലലോ ഉണ്ടാക്കല്. നമ്മള് നേരിട്ടുകൊണ്ടിരിക്കുന്ന പ്രശ്നം നമുക്കല്ലേ അറിയാവൂ. ആനി രാജയ്ക്കെങ്ങനെ അറിയാന് സാധിക്കും. ഇനി അവര് പറഞ്ഞാലും എനിക്ക് അതൊരു വിഷയമല്ല. കെ കെ രമയ്ക്കെതിരായ പരാമര്ശത്തില് ഉറച്ചു നില്ക്കുന്നു. സമയം കിട്ടിയാല് കൂടുതല് ഭംഗിയായി പറഞ്ഞേനെയെന്നും എംഎം മണി വ്യക്തമാക്കി.
ഈസ്റ്റര് അവധി റദ്ദാക്കല്: മണിപ്പുര് സര്ക്കാരിന്റെ നടപടി ഞെട്ടിക്കുന്നതെന്ന് സതീശന്
തിരുവനന്തപുരം ക്രൈസ്തവരുടെ ഏറ്റവും പ്രധാനപ്പെട്ട ദിവസങ്ങളായ ദുഃഖ വെള്ളിയും ഈസ്റ്ററും പ്രവൃ…