ദുല്‍ഖര്‍ സല്‍മാന്‍ നായകനാകുന്ന ബിഗ് ബഡ്ജറ്റ് മാസ് ചിത്രമാണ് പ്രശസ്ത സംവിധായകനായ ജോഷിയുടെ മകന്‍ അഭിലാഷ് ജോഷി ആദ്യമായി സംവിധാനം ചെയ്യുന്ന ‘കിംഗ് ഓഫ് കൊത്ത’.പ്രഖ്യാപനം മുതല്‍ക്കെ ശ്രദ്ധ നേടിയ സിനിമയുടെ സെക്കന്റ് ലുക്ക് പുറത്തു വിട്ടിരിക്കുകയാണ് അണിയറ പ്രവര്‍ത്തകര്‍. ദുല്‍ഖര്‍ സല്‍മാന്റെ സിനിമാ ജീവിതം 11 വര്‍ഷം തികയുന്ന ദിവസമാണ് ചിത്രത്തിന്റെ സെക്കന്റ് ലുക്ക് റിലീസ് ചെയ്തിരിക്കുന്നത്. പോസ്റ്ററിനൊപ്പം തന്റെ സിനിമാ ജീവിതത്തെപ്പറ്റി ഹൃദ്യമായ ഒരു കുറിപ്പും ദുല്‍ഖര്‍ സല്‍മാന്‍ പങ്കുവെച്ചു.’എന്റെ ആദ്യ സിനിമ ഇറങ്ങിയിട്ട് 11 വര്‍ഷം. വിപരീതാര്‍ത്ഥകമായി ‘സെക്കന്റ് ഷോ’ എന്നയായിരുന്നു സിനിമയുടെ പേര്. ഇപ്പോള്‍, സിനിമയിലെ എന്റെ രണ്ടാം ദശകത്തില്‍ ഒരു നടനെന്ന നിലയില്‍ കൂടുതല്‍ വളരാനും ഇതിലും വലിയ കഥകള്‍ പറയാനും ഞാന്‍ ശ്രമിക്കുന്നു. എന്റെ എല്ലാ സിനിമാ നിര്‍മ്മാതാക്കളോടും സഹ അഭിനേതാക്കളോടും അണിയറപ്രവര്‍ത്തകരോടും എല്ലാറ്റിനുമുപരിയായി ലോകമെമ്ബാടുമുള്ള പ്രേക്ഷകരോടും ഞാന്‍ നന്ദി പറയുന്നു. എനിക്ക് വളരെയധികം സ്‌നേഹവും പ്രോത്സാഹനവും ലഭിച്ചു. നിങ്ങളെ ഒരിക്കലും നിരാശപ്പെടുത്താതിരിക്കാന്‍ ഞാന്‍ നിരന്തരം പരിശ്രമിക്കുന്നു’.’വിമര്‍ശകരോടും വെറുക്കുന്നവരോടും എനിക്ക് നന്ദി പറയാനുണ്ട്. കാരണം, നിങ്ങളാണ് എന്നെ ആത്മപരിശോധന നടത്താനും വലിയ അവസരങ്ങള്‍ സ്വീകരിക്കാനും അപരിചിതമായ വഴികളിലൂടെ സഞ്ചരിക്കാനും പ്രേരിപ്പിക്കുന്നത്. പല സംശയങ്ങളും എന്ന അലട്ടിയ സമയത്ത് എന്റെ കൂടെ നില്‍ക്കുകയും എനിക്ക് വേണ്ടി സമയം കണ്ടെത്തുകയും ചെയ്ത എന്റെ കുടുംബത്തിനും സുഹൃത്തുക്കളും നന്ദി പറയുന്നു. എല്ലാ വര്‍ഷവും പോലെ ഈ വര്‍ഷവും ഞാന്‍ പരിഗണിക്കുന്നു. എനിക്ക് ഭാഗമാകാന്‍ കഴിയുന്ന ഏറ്റവും മികച്ച സിനിമാറ്റിക് അനുഭവങ്ങള്‍ നല്‍കി നിങ്ങളെ എല്ലാവരെയും രസിപ്പിക്കാന്‍ ഞാന്‍ ആഗ്രഹിക്കുന്നു. ഞാന്‍ എന്നത്തേക്കാളും സിനിമാ ലോകത്തോട് പ്രണയത്തിലാണ്. കിംഗ് ഓഫ് കൊത്തയുടെ രണ്ടാം ലുക്ക് എല്ലാവര്‍ക്കും സമര്‍പ്പിക്കുന്നു’ എന്നാണ് ദുല്‍ഖര്‍ സമൂഹമാദ്ധ്യമങ്ങളില്‍ കുറിച്ചത്.രണ്ടു കാലഘട്ടങ്ങളിലെ കഥയാണ് കിംഗ് ഓഫ് കൊത്ത പറയുന്നത്. ജേക്‌സ് ബിജോയ്, ഷാന്‍ റഹ്‌മാന്‍ എന്നിവരാണ് സംഗീത സംവിധാനം നിര്‍വഹിക്കുന്നത്. ആക്ഷന് ഏറെ പ്രാധാന്യമുള്ള ചിത്രത്തിന്റെ സംഘട്ടനരംഗങ്ങളൊരുക്കുന്നത് രാജശേഖറാണ്. ഛായാഗ്രഹണം -നിമീഷ് രവി, സ്‌ക്രിപ്റ്റ് -അഭിലാഷ് എന്‍ ചന്ദ്രന്‍, എഡിറ്റര്‍ -ശ്യാം ശശിധരന്‍.
കൈക്കുഞ്ഞിനെയുമെടുത്ത് സ്റ്റേജുകളില്‍ നിന്ന് സ്റ്റേജുകളിലേക്ക്….വീടെന്ന സ്വപ്നം പാതിവഴിയില്‍ തകര്‍ത്തെറിഞ്ഞത് കൊവിഡ്; ഉള്ളു നോവുമ്പോഴും പൊട്ടിച്ചിരിപ്പിച്ച കൊല്ലം സുധി
ഒരു ചിരി, പിന്നെയൊരു അമ്പരപ്പ്, വീണ്ടുമൊരു പൊട്ടിച്ചിരി, പിന്നെ അല്‍പം ശോകം ഞൊടിയിടയില്‍ ഇ…
