കൊല്ലം: അച്ഛനും കൊച്ചച്ഛനും പകര്‍ന്നുവച്ച പാതയിലൂടെ മഹേശ്വറും നടന്ന് കയറിയത് സംസ്ഥാന സ്കൂള് കലോത്സവത്തിന്റെ മിമിക്രി വേദിയില്‍.മിമിക്രി കലാകാരന്‍ മധു പുന്നപ്രയുടെ ഇളയ മകനായ മഹേശ്വര്‍ മികച്ച പ്രകടനത്തിലൂടെ എച്ച്.എസ്.എസ് വിഭാഗം മിമിക്രി മത്സരത്തില്‍ എ ഗ്രേഡ് നേടി.അമ്ബലപ്പുഴ കുഞ്ചുപിള്ള സ്‌കൂളിലെ പ്ലസ് വണ്‍ വിദ്യാര്‍ഥിയാണ് മഹേശ്വര്‍. മല്‍സരവേദികള്‍ക്ക് പുറമെ ഉത്സവവേദികളിലും ഹാസ്യ പരിപാടികളിലും സജീവമാണ്. മിമിക്രിയില്‍ മധുപുന്നപ്രയും അച്ഛന്റെ അനുജന്‍ പുന്നപ്ര മനോജുമാണ് ഗുരുക്കന്മാര്‍. ആനുകാലിക വിഷയങ്ങളെ പ്രശസ്ത താരങ്ങളെ അണിനിരത്തി ഒരു ചാനല്‍ ചര്‍ച്ചയിലൂടെ അവതരിപ്പിച്ചാണ് മഹേശ്വര്‍ കാണികളുടെ കയ്യടി വാങ്ങിയത്.കഴിഞ്ഞ വര്‍ഷത്തെ സംസ്ഥാന സ്കൂള് കലോത്സവത്തിലും മിമിക്രിയില്‍ പങ്കെടുത്തിരുന്നു. നാടന്‍പാട്ട് കലാകാരന്‍ കൂടിയായ മഹേശ്വര്‍, പുന്നപ്ര മനോജ് നടത്തുന്ന സമിതിയിലെ ഗായകന്‍ കൂടിയാണ്.
ബംഗാളിലെ അധ്യാപക നിയമനങ്ങള്‍ റദ്ദാക്കിയ ഹൈക്കോടതി ഉത്തരവ് ശരിവെച്ച് സുപ്രീം കോടതി
ന്യൂഡല്ഹി: പശ്ചിമ ബംഗാള് സ്കൂള് സര്വീസസ് കമ്മീഷന് നിയമന കുംഭകോണത്തില് മമത സ…
