ബലാത്സംഗ കേസില് പ്രതിയായ സിഐ തൂങ്ങിമരിച്ചു. മലയിന്കീഴ് സിഐ സൈജു എം വിയാണ് ആത്മഹത്യ ചെയ്തത്. മൃതദേഹം കണ്ടെത്തിയത് എറണാകുളം KSRTC സ്റ്റാന്ഡിന് സമീപം. വിവാഹ വാഗ്ദാനം നല്കി പീഡിപ്പിച്ചുവെന്ന് വനിത ഡോക്ടര് പരാതി നല്കിയിരുന്നു. കൊച്ചി അംബേദ്കര് സ്റ്റേഡിയത്തിന് പരിസരത്തെ മരത്തിലാണ് സൈജുവിനെ തൂങ്ങിയ നിലയില് കണ്ടെത്തിയത്. ബലാത്സംഗ കേസില് വ്യാജരേഖകള് സമര്പ്പിച്ച് ജാമ്യം നേടിയത് ഹൈക്കോടതി റദ്ദാക്കിയിരുന്നു. ഇതിന് പിന്നാലെ അറസ്റ്റ് ചെയ്യാന് ക്രൈം ബ്രാഞ്ച് ശ്രമിക്കുന്നതിനിടെയാണ് തൂങ്ങി മരിച്ച നിലയില് കണ്ടെത്തിയത്. നെടുമങ്ങാട് സ്വദേശിയായ സൈജു രണ്ട് ബലാത്സംഗ കേസില് പ്രതിയായിരുന്നു. മലയിന്കീഴ് ഇന്സ്പെക്ടറായിരിക്കെയാണ് സൈജു എം വിക്കെതിരെ ഒരു വനിതാ ഡോക്ടറും മറ്റൊരു യുവതിയും പൊലീസില് പീഡന പരാതി നല്കിയത്. പരാതിയുമായി എത്തിയ ഡോക്ടറെ സൗഹൃദം നടിച്ച് വിവാഹ വാഗ്ദാനം നല്കി പീഡിപ്പിക്കുകയായിരുന്നുവെന്നായിരുന്നു ഒരു പരാതി. ഈ കേസില് ജാമ്യം ലഭിക്കാന് പൊലീസ് ജിഡി റജിസ്റ്ററില് സൈജോ കൃത്രിമം കാണിച്ചെന്ന് പിന്നീട് കോടതി കണ്ടെത്തി ജാമ്യം റദ്ദാക്കിയിരുന്നു. നെടുമങ്ങാട് സി.ഐയുടെ നേതൃത്വത്തിലായിരുന്നു അന്വേഷണം.സൈജുവിനെതിരെ നേരത്തെയും പീഡന പരാതി ഉയര്ന്നിരുന്നു.
പോളിങ് കുറഞ്ഞതില് മുന്നണികള്ക്ക് ആശങ്ക; കഴിഞ്ഞ തവണത്തേതിനേക്കാള് പോളിങ് 7 ശതമാനം കുറവ്
കേരളം വിധിയെഴുതി കഴിഞ്ഞപ്പോള് ഫലം പ്രവചനാതീതമെന്ന് വിലയിരുത്തല്. പോളിങ് ശതമാനം കുറഞ്ഞതാണ…