കൊച്ചി: തെരുവുനായ കടിച്ചെടുത്ത മൂന്ന് വയസുകാരി നിഹാരയുടെ അറ്റുപോയ ചെവിയുടെ ഭാഗം പ്ലാസ്റ്റിക് സര്ജറിയിലൂടെ വെച്ചുപിടിപ്പിച്ചു. ശസ്ത്രക്രിയ പൂര്ണമായും വിജയിച്ചോ എന്നത് രണ്ട് ദിവസത്തിന് ശേഷം മാത്രമേ പറയാന് സാധിക്കൂവെന്നാണ് ഡോക്ടര്മാര് അറിയിച്ചതെന്ന് നിഹാരയുടെ പിതാവ് മിറാഷ് മാതൃഭൂമി ഡോട്ട് കോമിനോട് പറഞ്ഞു. ഞായറാഴ്ച വൈകുന്നേരം നീണ്ടൂര് രാമന്കുളങ്ങര ക്ഷേത്രത്തിനു സമീപം മറ്റ് കുട്ടികളോടൊപ്പം കളിച്ചുകൊണ്ടിരുന്ന കുട്ടിയുടെ ചെവി തെരുവുനായ കടിച്ച് പറിച്ചെടുക്കുകയായിരുന്നു. പറവൂര് ചിറ്റാറ്റുകര നീണ്ടൂര് മേയ്ക്കാട്ട് എം.എസ്സ്. മിറാഷിന്റേയും വിനു മോളുടേയും മകള് നിഹാരയ്ക്കാണ് കടിയേറ്റത്.
‘നായയുടെ ആക്രമണത്തില് ആകെ പേടിച്ചിരിക്കുകയാണ് കുഞ്ഞ്. ഇടക്കൊക്കെ പേടിച്ച് ഞെട്ടുന്നുണ്ട്. മുറിഞ്ഞുപോയ ചെവി തുന്നിച്ചേര്ത്തിട്ടുണ്ട്. ഇപ്പോള് കുഞ്ഞിന് ഒരു ഓപ്പറേഷനാണ് കഴിഞ്ഞത്. രണ്ട് ദിവസത്തിന് ശേഷം മാത്രമേ ശസ്ത്രക്രിയ വിജയിച്ചോ എന്ന കാര്യം പറയാന് സാധിക്കുകയുള്ളൂ. ഇപ്പോള് ശസ്ത്രക്രിയക്ക് ശേഷം മോള് മയക്കത്തിലാണ്. ചിലപ്പോള് ഒരു ശസ്ത്രക്രിയ കൂടി വേണ്ടി വരുമെന്നാണ് ഡോക്ടര്മാര് പറഞ്ഞത്. തെരുവുനായ ആക്രമിച്ചതില് പരാതി നല്കണമോ എന്നുള്ള കാര്യങ്ങളെല്ലാം ആശുപത്രിയില് നിന്ന് ഇറങ്ങിയതിന് ശേഷം ആലോചിക്കാനാണ് തീരുമാനം’- തെരുവുനായയുടെ ആക്രമണത്തില് പരിക്കേറ്റ നിഹാരയുടെ പിതാവ് മിറാഷ് പറഞ്ഞു.
അതേസമയം പറവൂരില് മൂന്നുവയസ്സുകാരിയുടെ ചെവി തെരുവുനായ കടിച്ചെടുത്ത സംഭവത്തില് പ്രതിഷേധം ശക്തമാക്കുകയാണ് നാട്ടുകാരും യുവജന സംഘടനകളും.
നീണ്ടൂര് രാമന്കുളങ്ങര ക്ഷേത്രത്തിനു സമീപം ചേച്ചി ശിവാരാധ്യയും ആതുവുമൊത്തു കളിച്ചു കൊണ്ടു നില്ക്കവേയാണ് കുട്ടികള്ക്ക് നേരെ തെരുവ് നായയുടെ അക്രമണം ഉണ്ടായത്. സമീപത്ത് ക്രിക്കറ്റുകളിച്ചു കൊണ്ടു നില്ക്കുന്നവര് ഓടിയെത്തിയാണ് നായയെ ഓടിച്ചത്. നിഹാരയുടെ പിതാവ് മിറാഷും മറ്റൊരാളും കൂടിയാണ് കുട്ടിയെ സമീപത്തുള്ള ആശുപത്രിയില് കൊണ്ടുപോകുകയായിരുന്നു. കുഞ്ഞിന്റെ നിലത്തു വീണ ചെവിയുടെ ഭാഗം പ്ലാസ്റ്റിക് കവറിലാക്കി ബന്ധുക്കള് ആശുപത്രിയില് എത്തിക്കുകയും ചെയ്യുകയായിരുന്നു. നിഹാരയ്ക്ക് കളമശ്ശേരി മെഡിക്കല് കോളേജില് വാക്സിനേഷന് നല്കുകയും ശേഷം പ്ലാസ്റ്റിക് സര്ജറിയിലൂടെ കുഞ്ഞിന്റെ ചെവി വെച്ചുപിടിപ്പിക്കുന്നതിനായി മെഡിക്കല് ട്രസ്റ്റ് ആശുപത്രിയില് പ്രവേശിപ്പിക്കുകയുമായിരുന്നു.
ഗസ്സയിലെ യുദ്ധം അവസാനിച്ചുവെന്ന് ട്രംപ് ഉറപ്പു നല്കി
ഗസ്സയിലെ യുദ്ധം അവസാനിച്ചുവെന്ന് അമേരിക്കന് പ്രസിഡന്റ് ഡോണള്ഡ് ട്രംപും മധ്യസ്ഥരും ഉറപ്പു…
