ചാഴി വ്യാപനം കൂടുന്നു, താവളമാക്കുന്ന മരങ്ങള്‍ ഉണങ്ങുന്നു; ആളുകള്‍ ആശങ്കയില്‍

മേലൂര്‍ പൂലാനിയിലും സമീപ പ്രദേശങ്ങളിലും ചാഴി വ്യാപിക്കുന്നതിനെ തുടര്‍ന്ന് നാട്ടുകാര്‍ ആശങ്കയില്‍. പൂലാനിക്കു പുറമേ കുറുപ്പത്തും ചാഴി പെരുകുന്നതായി പ്രദേശവാസികള്‍ പറയുന്നു. മുരിക്ക്, കൊന്ന എന്നിവിടങ്ങളിലാണ് ഇവ കൂട്ടമായി കാണപ്പെടുന്നത്. ഇവ അപകടകാരികളല്ലെങ്കിലും കാര്‍ഷിക വിളകള്‍ക്ക് നാശനഷ്ടമുണ്ടാക്കുമോ എന്ന ആശങ്കയാണ് കര്‍ഷകര്‍ക്കുള്ളത്.മരങ്ങള്‍ക്കു പുറമേ കൃഷിയിടങ്ങളിലും ഇവ കൂട്ടത്തോടെ താവളമാക്കുന്നുണ്ട്. താവളമാക്കുന്ന മരങ്ങളുടെ ചില്ലകള്‍ ഉണങ്ങുന്നു. ആഫ്രിക്കന്‍ ഒച്ചിന്റെയും മാനീച്ചയുടെയും ശല്യം രൂക്ഷമായ മേഖലയാണിത്. ചാഴിയും വ്യാപിച്ചതോടെ പ്രതിവിധി അന്വേഷിക്കുകയാണു നാട്ടുകാര്‍.