അസമിലെ ഗുവാഹത്തിയില് വെള്ളിയാഴ്ച ജിഎസ്ടി കൗണ്സില് യോഗം ചേരാനിരിക്കുകയാണ്. നിലവില് 28 ശതമാനം നികുതി ഈടാക്കുന്ന 227 ഉല്പ്പന്നങ്ങളെ 18 ശതമാനത്തിലേക്ക് മാറ്റുമെന്ന് ജി.എസ്.ടി കൗണ്സില് അംഗവും ബീഹാര് ഉപമുഖ്യമന്ത്രിയുമായ സുശീല് കുമാര് മോദി അഭിപ്രായപ്പെട്ടു. ഇപ്പോള് 18 ശതമാനം നികുതി വാങ്ങുന്ന ചില ഉല്പ്പന്നങ്ങള് 12 ശതമാനത്തിലേക്ക് കുറയ്ക്കണമെന്നും ശുപാര്ശകള് വന്നിട്ടുണ്ടെന്ന് അദ്ദേഹം പറഞ്ഞു. ഇക്കാര്യങ്ങളെല്ലാം നാളെ നടക്കുന്ന കൗണ്സില് യോഗത്തില് ചര്ച്ചയാവും.
