ഡല്ഹി മദ്യനയ അഴിമതിക്കേസില് ബിആര്എസ് നേതാവ് കെ. കവിത അറസ്റ്റില്. ഉച്ചയോടെ കസ്റ്റഡിയിലെടുത്ത കവിതയുടെ അറസ്റ്റ് വൈകിട്ടോടെ രേഖപ്പെടുത്തി. കവിതയെ ഡല്ഹിക്ക് കൊണ്ടുപോയേക്കും.ഇന്ന് ഹൈദരാബാദിലെ ജൂബിലി ഹില്സിലെ വസതിയില് എന്ഫോഴ്സ്മെന്റ് ഡയറക്ടറേറ്റ്, ഐടി വകുപ്പുകള് റെയ്ഡ് നടത്തിയിരുന്നു.ഡല്ഹി സര്ക്കാരിന്റെ കീഴിലായിരുന്ന മദ്യ വില്പനയുടെ ലൈസന്സ് 2021ല് സ്വകാര്യ മേഖലയ്ക്കു കൈമാറിയതില് അഴിമതി നടന്നിട്ടുണ്ടെന്ന് ഇ.ഡി കണ്ടെത്തിയിരുന്നു. കള്ളപ്പണം വെളിപ്പിച്ചെന്ന് ഉള്പ്പെടെയാണ് ഇ.ഡി കണ്ടെത്തിയത്. ഏതാനും മദ്യവ്യവസായികള്ക്ക് അനര്ഹമായ ലാഭം ലഭിച്ച ഇടപാടില് ഡല്ഹി ഉപമുഖ്യമന്ത്രിയായിരുന്ന മനീഷ് സിസോദിയും കവിതയും എഎപി നേതാവ് വിജയ് നായരും ഇടപെട്ടുവെന്നാണ് ആരോപണം.
