വിദേശത്തും സ്വദേശത്തുമുള്ള നാല്പതില്പരം കലാകാര?ാരുടെ പെയിന്റിംഗുകള്, ശില്പങ്ങള്, പ്രതിഷ്ഠാപനങ്ങള് എന്നിവയാണ് ലേലത്തിന് വയ്ക്കുന്നത്. കൊച്ചി-മുസിരിസ് ബിനാലെ നാലാം ലക്കത്തിനിടെ ജനുവരി 18 നാണ് ലേലം നിശ്ചയിച്ചിട്ടുള്ളത്.
ആര്ട്ട് റൈസസ് ഫോര് കേരള (എആര്കെ) എന്നാണ് ഈ ഉദ്യമത്തിന് പേരിട്ടിരിക്കുന്നത്. ദയാനിത സിംഗ്, സുബോധ് ഗുപ്ത, അനീഷ് കപൂര് തുടങ്ങിയവരുടെ സൃഷ്ടികളും ലേലത്തിനുണ്ടാകും.
ലേലത്തില് ലഭിക്കുന്ന തുക നേരിട്ട് മുഖ്യമന്ത്രിയുടെ ദുരിതാശ്വാസനിധിയിലേക്ക് നല്കുമെന്ന് കൊച്ചി ബിനാലെ ഫൗണ്ടേഷന് പ്രസിഡന്റ് ബോസ് കൃഷ്ണമാചാരി പറഞ്ഞു.
നൂറ്റാണ്ടിലെ ഏറ്റവും വലിയ പ്രകൃതി ദുരന്തത്തില്നിന്ന് കരകയറാന് കേരളത്തെ സഹായിക്കുന്നതിനുവേണ്ടി രാജ്യത്തിനകത്തും പുറത്തുമുള്ള കലാകാര?ാരുടെ സമൂഹം തയ്യാറാവുന്നതിന്റെ സൂചനയാണിതെന്നും അദ്ദേഹം പറഞ്ഞു.
ദുരന്തം നേരിടുന്ന സമയത്ത് സംസ്ഥാനത്തിനൊപ്പം കലാസമൂഹം അടിയുറച്ചു നില്ക്കുന്നതിന്റെ തെളിവാണിതെന്നും കൊച്ചി ബിനാലെയുടെ സ്ഥാപകാംഗം കൂടിയായ അദ്ദേഹം കൂട്ടിച്ചേര്ത്തു.
കൊച്ചി-മുസിരിസ് ബിനാലെ നാലാം ലക്കം ഡിസംബര് 12 മുതല് മാര്ച്ച് 29 വരെയാണ് നടക്കുന്നത്.
