സാഹചര്യം ഗൗരവമുള്ളതാണെന്നും രാജിയില് തീരുമാനം സ്വയം എടുക്കണമെന്നും തോമസ് ചാണ്ടിയെ മുന്നണി നേതൃത്വം അറിയിച്ചിരുന്നു. സാഹചര്യത്തിന്റെ ഗൗരവം മനസിലാക്കി തീരുമാനം എടുക്കണമെന്നായിരുന്നു സന്ദേശം.
രാജി വിഷയത്തില് തോമസ് ചാണ്ടി തീരുമാനമെടുത്തില്ലെങ്കില് മുന്നണി യോഗം വിളിക്കും. അങ്ങനെയെങ്കില് എല്ഡിഎഫ് യോഗം തോമസ് ചാണ്ടിയുടെ രാജി ആവശ്യപ്പെടാന് തീരുമാനിക്കും. കായല് കയ്യേറ്റവും ലോക്ക് പാലസ് റിസോര്ട്ടിലേക്ക് ഭൂമി മണ്ണിട്ട് നികത്തിയത് അടക്കം നിരവധി ആരോപണങ്ങളാണ് ചാണ്ടിക്കെതിരെ ഉയര്ന്നത്. ലേക്ക് പാലസിന്റെ നിയമലംഘനം അക്കമിട്ട് നിരത്തിയ കലക് ടറുടെ റിപ്പോര്ട്ട് കൂടി വന്നതോടെ തോമസ് ചാണ്ടി കൂടുതല് പ്രതിരോധത്തിലായി. ആലപ്പുഴ കലക്ടര് ടി.വി അനുമയുടെ റിപ്പോര്ട്ടില് തോമസ് ചാണ്ടിയുടെ നിയമലംഘനങ്ങള് ചൂണ്ടിക്കാണിച്ചിരുന്നു. ഇക്കാര്യത്തില് നടപടി റവന്യു മന്ത്രി നടപടിയെടുക്കുണമെന്ന് ശുപാര്ശയും നല്കിയിരുന്നു. ഈ വിഷയത്തില് ഹൈക്കോടതിയും സര്ക്കാരിനെതിരെ വിമര്ശനമുന്നയിച്ചിരുന്നു. ഈ സാഹചര്യത്തിലാണ് തോമസ് ചാണ്ടിക്കെതിരെ നിലപാടെടുക്കാന് സിപിഐഎം നിര്ബന്ധിതരായത്.
