രാഹുല് മാങ്കൂട്ടത്തിലുമായി വേദി പങ്കിട്ടതില് യാതൊരു പ്രശ്നവും തോന്നുന്നില്ല-വി. ശിവന്കുട്ടി
e@vartha
തിരുവനന്തപുരം: രാഹുല് മാങ്കൂട്ടത്തിലുമായി ശിക്ഷിക്കപ്പെട്ട വ്യക്തിയല്ല, വേദി പങ്കിട്ടതില് യാതൊരു പ്രശ്നവും തോന്നുന്നില്ല-വി. ശിവന്കുട്ടിതിരുവനന്തപുരം: ഗര്ഭഛിദ്ര ആരോപണമടക്കം നേരിടുന്ന രാഹുല് മാങ്കൂട്ടത്തില് എംഎല്എയുമായി പാലക്കാട്ട് വേദി പങ്കിട്ടതില് യാതൊരു പ്രശ്നവും തോന്നുന്നില്ലെന്ന് വിദ്യാഭ്യാസ മന്ത്രി വി. ശിവന്കുട്ടി. രാഹുലിനെ തടയില്ലെന്ന് സംസ്ഥാന സെക്രട്ടറി തന്നെ പ്രഖ്യാപിച്ചിട്ടുണ്ടെന്നും അദ്ദേഹം ശിക്ഷിക്കപ്പെട്ട വ്യക്തിയല്ലെന്നും ശിവന്കുട്ടി പറഞ്ഞു. സംസ്ഥാന സ്കൂള് ശാസ്ത്രോത്സവത്തില് വിദ്യാഭ്യാസമന്ത്രിക്കും എം.ബി. രാജേഷിനുമൊപ്പം രാഹുല് മാങ്കൂട്ടത്തില് എംഎല്എ വേദി പങ്കിട്ടത് സാമൂഹിക മാധ്യമങ്ങളില് അടക്കം ചര്ച്ചയായിരുന്നു. ആരോപണം നേരിടുന്ന വ്യക്തിക്കൊപ്പം വേദി പങ്കിടില്ലെന്ന് പറഞ്ഞ് ബിജെപി കൗണ്സിലര് ഇറങ്ങിപ്പോയിരുന്നു. വിമര്ശനമുയര്ന്നതോടെയാണ് പ്രതികരണവുമായി മന്ത്രി രംഗത്തെത്തിയത്. ‘രാഹുല് അവിടുത്തെ എംഎല്എയാണ്. അയാളുടെ മണ്ഡലത്തില് വച്ചാണ് പരിപാടി നടന്നത്. രാഹുലിനെ തടയില്ലെന്ന് പാര്ട്ടിയുടെ സംസ്ഥാന സെക്രട്ടറി തന്നെ പ്രഖ്യാപിച്ചതാണ്. അദ്ദേഹം ശിക്ഷിക്കപ്പെട്ട വ്യക്തിയല്ല, കേസ് അന്വേഷണം നടക്കുന്നതേയുള്ളൂ. കോടതി ശിക്ഷിച്ചിട്ടില്ല. അങ്ങനെയുള്ള വ്യക്തിയെ മാറ്റിനിര്ത്തുകയോ പരിപാടിയില് പേര് വയ്ക്കാതിരിക്കുകയോ ചെയ്യുന്നത് ഞങ്ങളുടെ അന്തസ്സിന് നിരക്കുന്നതല്ല. യുഡിഎഫ് ആണെങ്കില് കഴിഞ്ഞ അഞ്ചുവര്ഷമായി മുഖ്യമന്ത്രി രാജിവെക്കണമെന്ന് പറഞ്ഞു നടക്കുകയാണ്. എന്തോ ഒരു കാര്യത്തിന് എനിക്ക് നേരെ ഇപ്പോഴും കരിങ്കൊടി കാണിക്കുകയാണ്. മന്ത്രി വാസവന് രാജിവെക്കണമെന്ന് പറയുന്നു. ആവര്ത്തിച്ചു പറഞ്ഞു പറഞ്ഞ് രാജിവെക്കണം എന്നതിന് വിലയില്ലാതായി. രാഹുലിനെ വേണമെങ്കില് പങ്കെടുപ്പിക്കാതിരിക്കാം. പക്ഷേ അങ്ങനെ ഒരു സാഹചര്യം സൃഷ്ടിക്കാന് ഞങ്ങള് ആഗ്രഹിക്കുന്നില്ല. രാഷ്ട്രീയത്തില് മാന്യത കാണിക്കുക എന്ന നിലപാടാണ് ഞങ്ങള് സ്വീകരിച്ചിരിക്കുന്നത്. ബിജെപി കൗണ്സിലര് ഇറങ്ങിപ്പോയത് അവരുടെ പാര്ട്ടിയുടെ തീരുമാനമായിരിക്കും- മന്ത്രി പറഞ്ഞു.
