സംസ്ഥാനത്ത് ഒന്നു മുതല് ഒന്പത് വരെ ക്ലാസുകളിലെ വാര്ഷിക പരീക്ഷ മാര്ച്ച് 23 മുതല് ഏപ്രില് 2 വരെ നടക്കുമെന്ന് വിദ്യാഭ്യാസവകുപ്പ് മന്ത്രി വി.ശിവന്കുട്ടി അറിയിച്ചു. ജൂണ് ഒന്നിന് തന്നെ സ്കൂള് തുറക്കുമെന്നും വിദ്യാഭ്യാസവകുപ്പ് മന്ത്രി വ്യക്തമാക്കി. എസ് എസ് എല് സി പരീക്ഷ ഈ മാസം 30 മുതല് ഏപ്രില് 29 വരെ നടക്കും.പ്ലസ് വണ് പരീക്ഷകള് മധ്യവേനലവധി കഴിഞ്ഞ ശേഷം ജൂണ് 2 മുതല് 18 വരെയുള്ള തീയതിയിലാവും നടത്തുക. ഏപ്രില്,മെയ് മാസങ്ങളില് സ്കൂളുകള്ക്ക് മധ്യവേനലവധി ആയിരിക്കും.അധ്യാപകരുടെ പരിശീലന ക്യാമ്പുകള് മെയ് മാസത്തില് നടത്തുമെന്നും അടുത്ത വര്ഷത്തെ അക്കാദമിക്ക് കലണ്ടര് മെയ് മാസത്തില് പ്രസിദ്ധീകരിക്കുമെന്നും മന്ത്രി അറിയിച്ചു. കുട്ടികളുടെ മാനസിക സമ്മര്ദ്ദം ലഘൂകരിക്കും വിധമായിരിക്കും പരീക്ഷകള് ക്രമീകരിക്കുക. ലളിതമായ ചോദ്യങ്ങളാവും ഉണ്ടാവുക. പ്ലസ് വണ് വിദ്യാര്ത്ഥികള്ക്ക് പഠിക്കാന് ഒരുപാട് സമയം ലഭിക്കുമെന്നും മന്ത്രി പറഞ്ഞു.
