തിരുവനന്തപുരം: സംസ്ഥാനത്തെ മന്ത്രിമാര്ക്ക് ഐ.എം.ജിയുടെ നേതൃത്വത്തില് സംഘടിപ്പിക്കുന്ന പരിശീലന പരിപാടി തുടങ്ങി. മുഖ്യമന്ത്രി പിണറായി വിജയന് ഉദ്ഘാടനം ചെയ്യും. മൂന്നു ദിവസത്തെ പരിശീലനത്തില് 10 സെഷനുകളാണുള്ളത്. ഭരണസംവിധാനത്തെക്കുറിച്ച് കൂടുതല് അറിയുക, ദുരന്തവേളകളില് നേതൃത്വം അഭിമുഖീകരിക്കുന്ന വെല്ലുവിളികള്, മന്ത്രിയെന്ന ടീം ലീഡര് തുടങ്ങിയ സെഷനുകളാണ് ആദ്യ ദിനം. മുന് കാബിനറ്റ് സെക്രട്ടറി കെ.എം. ചന്ദ്രശേഖര് ഭരണസംവിധാനത്തെക്കുറിച്ചും ദുരന്തനിവാരണ വേളകളിലെ വെല്ലുവിളികളെക്കുറിച്ച് യു.എന് ദുരന്ത ലഘൂകരണ വിഭാഗം ചീഫ് ഡോ. മുരളി തുമ്മാരുകുടിയും ക്ലാസെടുക്കും. ഒരു ടീമിനെ നയിക്കുന്നത് സംബന്ധിച്ച് ഐ.ഐ.എം മുന് പ്രഫസറും മാനേജീരിയല് കമ്യൂണിക്കേഷന് കണ്സള്ട്ടന്റുമായ പ്രഫ. മാത്തുക്കുട്ടി എം. മോനിപ്പള്ളി സംസാരിക്കും. 21ന് രാവിലെ ആദ്യ സെഷനില് പദ്ധതികള് നടപ്പാക്കുന്നതിലെ വെല്ലുവിളികളെക്കുറിച്ച് നിതി ആയോഗ് സി.ഇ.ഒ അമിതാഭ് കാന്ത് സംസാരിക്കും. മന്ത്രിമാരുടെ ഉയര്ന്ന പ്രകടനത്തെ സംബന്ധിച്ച് ഇന്ഫോസിസ് സഹ സ്ഥാപകന് എസ്.ഡി. ഷിബുലാല് ഓണ്ലൈനില് സംവദിക്കും. ഫണ്ടിങ് ഏജന്സികളെക്കുറിച്ചും പദ്ധതി ഘടനകളെക്കുറിച്ചും ലോകബാങ്ക് മുഖ്യ മൂല്യനിര്ണയ വിദഗ്ധയും സംസ്ഥാന സര്ക്കാറിന്റെ മുന് ജെന്ഡര് ഉപദേശകയുമായ ഡോ. ഗീതാഗോപാല് സംസാരിക്കും. മന്ത്രിമാരും ഉദ്യോഗസ്ഥരും തമ്മിലുള്ള ബന്ധത്തെക്കുറിച്ചാണ് ഐ.എം.ജി ഡയറക്ടര് കെ. ജയകുമാര് വിശദമാക്കുക. മാറ്റത്തിനുള്ള ഉപകരണമെന്ന നിലയില് ഇ ഗവേണന്സിന്റെ പ്രാധാന്യത്തെക്കുറിച്ച് 22ന് രാവിലെ നടക്കുന്ന സെഷനില് കേരള യൂനിവേഴ്സിറ്റി ഓഫ് ഡിജിറ്റല് സയന്സസ്, ഇന്നവേഷന് ആന്ഡ് ടെക്നോളജി വൈസ് ചാന്സലര് ഡോ. സജി ഗോപിനാഥ് സംസാരിക്കും. മികച്ച ഫലം ലഭിക്കുന്നതിനായി പ്രചോദനത്തിനുള്ള പ്രാധാന്യത്തെക്കുറിച്ച് മുന് കേന്ദ്ര സെക്രട്ടറി അനില് സ്വരൂപാണ് ആശയവിനിമയം നടത്തുന്നത്. സമൂഹ മാധ്യമങ്ങളിലെ ഒളിഞ്ഞിരിക്കുന്ന അപകടങ്ങളും പുതിയ സാധ്യതകളുമെന്ന വിഷയത്തെക്കുറിച്ച് സിറ്റിസണ് ഡിജിറ്റല് ഫൗണ്ടേഷന് സ്ഥാപകരായ നിധി സുധനും വിജേഷ് റാമും അവതരിപ്പിക്കുന്ന സെഷനോടെ പരിശീലന പരിപാടി സമാപിക്കും.
fatpirate casino 2026 – Yleiskatsaus ja ominaisuudet
Lyhyt katsaus siihen, mitä tämä oppimiskokemus tarjoaa Fatpirate casinon esittely aloittaa…
