പ്രേക്ഷകര് ആകാംഷയോടെ കാത്തിരിക്കുന്ന ദുല്ഖര് സല്മാന് നായകനാകുന്ന മാസ്സ് എന്റെര്ടെയ്നര് ‘കിംഗ് ഓഫ് കൊത്ത’ ഓണം റിലീസായി ആഗസ്റ്റ് 24ന് തിയേറ്ററുകളിലേക്ക് എത്തുന്നു. എതിരാളികള് ഇല്ലാതെ സോളോ റിലീസ് ആയി തിയേറ്ററില് എത്തുന്ന ബിഗ് ബഡ്ജറ്റഡ് ചിത്രം, നാനൂറില്പരം സ്ക്രീനുകളിലാണ് കേരളത്തില് റിലീസാകുന്നത്.സിനിമാപ്രേമികള്ക്ക് ഏറെ പ്രതീക്ഷ നല്കുന്ന കിം?ഗ് ഓഫ് കൊത്തയുടെ ഓരോ അപ്ഡേറ്റിനും വന് പ്രതികരണമാണ് ലഭിക്കുന്നത്. പാന് ഇന്ത്യന് ലെവലില് റിലീസാകുന്ന ചിത്രം ബോക്സ് ഓഫീസില് തരംഗമാകുമെന്നുറപ്പാണ്. ദുല്ഖറിന്റെ കരിയറിലെ ഏറ്റവും ചെലവേറിയതും കഥാപാത്രത്തില് തന്നെ വെല്ലുവിളികള് നിറഞ്ഞതുമായ കിംഗ് ഓഫ് കൊത്ത സീ സ്റ്റുഡിയോസും ദുല്ഖര് സല്മാന്റെ വേഫാറെര് ഫിലിംസും ചേര്ന്നാണ് നിര്മ്മിക്കുന്നത്.ഷബീര് കല്ലറക്കല്, പ്രസന്ന, ചെമ്പന് വിനോദ്, ഷമ്മി തിലകന്, ഗോകുല് സുരേഷ്, വടചെന്നൈ ശരണ്, ഐശ്വര്യാ ലക്ഷ്മി, നൈല ഉഷ, ശാന്തി കൃഷ്ണ, അനിഖാ സുരേന്ദ്രന് തുടങ്ങി വന് താരനിരയാണ് ചിത്രത്തിലുള്ളത്. ഛായാഗ്രഹണം നിമീഷ് രവിയാണ് നിര്വഹിക്കുന്നത്. ജേക്സ് ബിജോയ്, ഷാന് റഹ്മാന് എന്നിവര് സംഗീതമൊരുക്കുന്നു. അഭിലാഷ് ജോഷി സംവിധാനം നിര്വഹിച്ച ചിത്രത്തിന്റെ ടീസറും കലാപക്കാര എന്ന ഗാനവും സോഷ്യല് മീഡിയയില് ട്രെന്ഡിങ് ആയി തുടരുകയാണ്.സംഘട്ടനം : രാജശേഖര്, സ്ക്രിപ്റ്റ് : അഭിലാഷ് എന് ചന്ദ്രന്, പ്രൊഡക്ഷന് ഡിസൈനര് : നിമേഷ് താനൂര്, എഡിറ്റര്: ശ്യാം ശശിധരന്, കൊറിയോഗ്രാഫി: ഷെറീഫ് ,മേക്കപ്പ് :റോണെക്സ് സേവിയര്, വസ്ത്രാലങ്കാരം :പ്രവീണ് വര്മ്മ, സ്റ്റില് : ഷുഹൈബ് എസ് ബി കെ, പ്രൊഡക്ഷന്കണ്ട്രോളര് :ദീപക് പരമേശ്വരന്, മ്യൂസിക് : സോണി മ്യൂസിക്, പി ആര് ഓ: പ്രതീഷ് ശേഖര്.
ബാലരാമപുരത്ത് ക്ഷേത്രത്തിന് നേരെ സ്ഫോടക വസ്തു എറിഞ്ഞു
തിരുവനന്തപുരം:ഓട്ടോറിക്ഷയിലെത്തിയ അക്രമികളെ തിരഞ്ഞ് പൊലീസ്തിരുവനന്തപുരം ബാലരാമപുരത്തെ കാട്…
