തൃശ്ശൂരില്‍ സുരേഷ്‌ഗോപിക്ക് ഇ ഡി അരങ്ങൊരുക്കുന്നു: എസി മൊയ്തീന്‍

തൃശ്ശൂര്‍: തൃശ്ശൂരില്‍ സുരേഷ് ഗോപിക്ക് ഇ ഡി അരങ്ങൊരുക്കുകയാണെന്ന് സിപിഎം സംസ്ഥാന സമിതി അംഗം എസി മൊയ്തീന്‍. ഇ ഡി ഇലക്ഷന്‍ ഡ്യൂട്ടി നടത്തുകയാണ്. സുരേഷ് ഗോപിയുടെ പദയാത്ര ഈ അരങ്ങൊരുക്കലിന്റെ ഭാഗമാണ്. ഇ ഡി കരിവന്നൂര്‍ ബാങ്കിലെ ആധാരം എടുത്തുകൊണ്ടു പോയത് ബാങ്കിന്റെ പ്രവര്‍ത്തനം തടയാനാണന്ന് എസി മൊയ്തീന്‍ ആരോപിച്ചു. സഹകരണ ബാങ്കുകളില്‍ കള്ളപ്പണം വെളുപ്പിച്ചുവെന്ന് വരുത്തിതീര്‍ക്കാനുള്ള നീക്കമാണ് ഇപ്പോള്‍ ഇ ഡി നടത്തുന്നത്. അരവിന്ദാക്ഷന്റെ അമ്മക്ക് 65 ലക്ഷം നിക്ഷേപമുണ്ടെന്ന് ഇഡി കോടതിയില്‍ കള്ള റിപ്പോര്‍ട്ട് കൊടുത്തുവെന്നും എ സി മൊയ്തീന്‍ ആരോപിച്ചു. ചേലക്കരയില്‍ സിപിഎം മണ്ഡലം കാല്‍നട ജാഥാ സമാപനം ഉദ്ഘാടനം ചെയ്യുകയായിരുന്നു അദ്ദേഹം