ഇടുക്കി അടിമാലി മാങ്കുളത്ത് ട്രാവലര് മറിഞ്ഞ് മരിച്ചവരുടെ എണ്ണം നാലായി. തേനി സ്വദേശി അഭിനേഷ് മൂര്ത്തിയാണ് മരിച്ചത്. നേരത്തെ അഭിനേഷിന്റെ രണ്ടുവയസുള്ള മകന് തന്വിക് അപകടത്തില് മരിച്ചിരുന്നു. തേനി സ്വദേശിയായ ഗുണശേഖരന് (70), ഈറോഡ് സ്വദേശി പി കെ സേതു എന്നിവരാണ് അപകടത്തില് മരിച്ച മറ്റ് രണ്ടുപേര്. 14 പേരാണ് ട്രാവലറിലുണ്ടായിരുന്നത്. അതില് 11 പേര് ആശുപത്രയില് ചികിത്സയിലായിരുന്നു. പിന്നാലെയാണ് ഒരാള് കൂടി മരിച്ച വാര്ത്ത പുറത്തുവന്നിരിക്കുന്നത്. ഇന്ന് വൈകിട്ടോടെയാണ് അടിമാലി മാങ്കുളത്ത് ട്രാവലര് കൊക്കയിലേക്ക് മറിഞ്ഞ് ദുരന്തമുണ്ടായത്. തമിഴ്നാട്ടില് നിന്നുള്ള വിനോദസഞ്ചാര സംഘമാണ് അപകടത്തില് പെട്ടത്. നിയന്ത്രണം നഷ്ടപ്പെട്ട് റോഡരികിലെ ക്രാഷ് ബാരിയര് തകര്ത്ത് 30 അടി താഴ്ചയിലേക്ക് ട്രാവലര് മറിയുകയായിരുന്നു. തമിഴ്നാട്ടിലെ സ്വകാര്യ പ്രഷര്കുക്കര് കമ്പനിയില് നിന്നും ഉല്ലാസയാത്രയ്ക്ക് എത്തിയതായിരുന്നു ഇവര്. കമ്പനിയിലെ ജീവനക്കാരും അവരുടെ കുടുംബാം?ഗങ്ങളുമാണ് വാഹനത്തിലുണ്ടായിരുന്നത്.
‘മൊന് ന്ത’ ചുഴലിക്കാറ്റ് വരുന്നു; കണ്ണൂര്, കാസര്കോട് ജില്ലകളില് ഇന്ന് യെലോ അലര്ട്ട്
തിരുവനന്തപുരം: സംസ്ഥാനത്ത് മഴ ശക്തമായി തുടരും. കണ്ണൂര്, കാസര്കോട് ജില്ലകളില് ഇന്ന് യെലോ…
