. വാളയാര്: സിബിഐ സംഘം തങ്ങള് പറയാത്ത കാര്യങ്ങളും കുറ്റപത്രത്തില് എഴുതിചേര്ത്തിരിക്കാമെന്ന് പെണ്കുട്ടികളുടെ അമ്മ. അതുകൊണ്ടായിരിക്കും കോടതി തങ്ങള്ക്കെതിരെ കേസെടുത്തത്. ഒരിക്കലും കുട്ടികള് പീഡിപ്പിക്കപ്പെടുന്ന വിവരം മറച്ചുവെച്ചുവെന്ന് അന്വേഷണസംഘത്തോട് പറഞ്ഞിട്ടില്ലെന്ന് പെണ്കുട്ടികളുടെ മാതാവ് പറയുന്നു.
പ്രതികള്ക്ക് വേണ്ടി സിബിഐ സംഘം തങ്ങളെക്കൂടി പ്രതിചേര്ക്കുകയായിരുന്നു. സിബിഐ കുറ്റപത്രത്തിനെതിരെ നിയമനടപടികളുമായി മുന്നോട്ട് പോകുമെന്നും പെണ്കുട്ടികളുടെ അമ്മ പറഞ്ഞു. പോസ്റ്റ്മോര്ട്ടം റിപ്പോര്ട്ടിലാണ് മക്കള് പീഡിപ്പിക്കപ്പെട്ടത് അറിഞ്ഞതെന്നും ബന്ധുവായ പ്രതി മകളോട് മോശമായി പെരുമാറിയത് ശ്രദ്ധയിപ്പെട്ടപ്പോള് വീട്ടില് കയറി തല്ലിയെന്നും കുടുംബം വ്യക്തമാക്കിയിരുന്നു. അന്ന് നിയമവശങ്ങള് അറിയാത്തതിനാലാണ് പരാതി നല്കാതിരുന്നതെന്നാണ് വാദം.
സിബിഐ കുറ്റപത്രം യഥാര്ത്ഥ പ്രതികളെ സംരക്ഷിക്കുന്നതിനും നീതിക്കു വേണ്ടി സമരം ചെയ്യുന്ന മാതാപിതാക്കളെ പീഡിപ്പിക്കുന്നതിനുമാണെന്ന് വാളയാര് നീതിസമരസമിതി ആരോപിച്ചിരുന്നു. തിരുവനന്തപുരം സിബിഐ യൂണിറ്റാണ് കൊച്ചി സിബിഐ മൂന്നാം കോടതിയില് പെണ്കുട്ടികളുടെ അച്ഛനേയും അമ്മയേയും പ്രതി ചേര്ത്ത് കുറ്റപത്രം സമര്പ്പിച്ചത്. ആറ് കേസുകളിലാണ് കുറ്റപത്രം സമര്പ്പിച്ചത്. പ്രേരണ കുറ്റം ചുമത്തിയ കുറ്റപത്രത്തില് കുട്ടികളുടെ അച്ഛനും അമ്മയും പ്രതികളാണ്.
ബാലരാമപുരത്ത് ക്ഷേത്രത്തിന് നേരെ സ്ഫോടക വസ്തു എറിഞ്ഞു
തിരുവനന്തപുരം:ഓട്ടോറിക്ഷയിലെത്തിയ അക്രമികളെ തിരഞ്ഞ് പൊലീസ്തിരുവനന്തപുരം ബാലരാമപുരത്തെ കാട്…
