മുംബൈയില് നിന്ന് കണ്ടെത്തിയ മലപ്പുറം താനൂര് സ്വദേശികളായ രണ്ട് വിദ്യാര്ഥിനികളെ പൊലീസ് തിരൂര് റെയില്വേ സ്റ്റേഷനിലെത്തിച്ചു. കുട്ടികളെ മജിസ്ട്രേറ്റിന് മുന്നില് ഹാജരാക്കി രഹസ്യമൊഴി രേഖപ്പെടുത്തും. കൗണ്സിലിങ്ങിന് ശേഷം വീട്ടുകാര്ക്കൊപ്പം വിടും.അതേസമയം താനൂരിലെ പെണ്കുട്ടികളെ നാടുവിടാന് സഹായിച്ച യുവാവ് കസ്റ്റഡിയിലെടുത്തു. എടവണ്ണ സ്വദേശി റഹിം അസ്ലമിനെയാണ് പൊലീസ് കസ്റ്റഡിയിലെടുത്തത്. മുംബൈയില് നിന്ന് മടങ്ങിയ റഹിം അസ്ലത്തെ തിരൂരില് നിന്നാണ് താനൂര് പൊലീസ് കസ്റ്റഡിയിലെടുത്തത്.ബുധനാഴ്ച ഉച്ചയ്ക്കാണ് പെണ്കുട്ടികള് സ്കൂള് യൂണിഫോമില് വീട്ടില് നിന്ന് ഇറങ്ങിയത്. യൂണിഫോം മാറ്റി മറ്റൊരു വസ്ത്രം ധരിച്ച് തിരൂര് റെയില്വേ സ്റ്റേഷനില് നിന്നാണ് ഇരുവരും ട്രെയിന് കയറിയത്. താനൂര് ദേവദാര് സ്കൂളിലെ പ്ലസ്ടു വിദ്യാര്ഥികളാണ് ഇരുവരും. വീട്ടില് നിന്നും പരീക്ഷയെഴുതാന് പോകുന്നുവെന്ന് പറഞ്ഞായിരുന്നു പെണ്കുട്ടികള് ഇറങ്ങിയത്.ഇരുവരുടെയും ഫോണിലേക്ക് അവസാനം വന്ന കോള് ഒരേ നമ്പറില് നിന്നായിരുന്നു. ഇതിന്റെ ലൊക്കേഷന് പരിശോധിച്ചപ്പോള് മലപ്പുറം സ്വദേശിയുടെ പേരിലാണ് സിം എടുത്തിരിക്കുന്നതെന്നും ലൊക്കേഷന് മഹാരാഷ്ട്രയാണെന്നും വിവരം ലഭിച്ചിരുന്നു. അതിനിടെ പെണ്കുട്ടികള് കോഴിക്കോടുണ്ടെന്ന വിവരത്തിന്റെ അടിസ്ഥാനത്തില് ബന്ധുക്കളും പൊലീസും കോഴിക്കോട് കേന്ദ്രീകരിച്ച് തിരച്ചില് നടത്തിയിരുന്നുവെങ്കിലും കുട്ടികളെ കണ്ടെത്താനായിരുന്നില്ല. പെണ്കുട്ടികള് തിരൂര് റെയില്വേ സ്റ്റേഷനിലെത്തിയ സിസിടിവി ദൃശ്യം നേരത്തെ പുറത്ത് വന്നിരുന്നു.
fatpirate casino 2026 – Yleiskatsaus ja ominaisuudet
Lyhyt katsaus siihen, mitä tämä oppimiskokemus tarjoaa Fatpirate casinon esittely aloittaa…
