കല്പ്പറ്റ : കാരാപ്പുഴ അണക്കെട്ടിനോട് ചേര്ന്ന് വിപുലമായ ഇറിഗേഷന് ടൂറിസം പദ്ധതി നടപ്പാക്കുന്നതിന് മാസ്റ്റര് പ്ലാന് തയ്യാറാക്കാന് തീരുമാനം. ജലവിഭവ വകുപ്പിന്റെ ജില്ലയിലെ വിവിധ പദ്ധതികളുടെ നിര്വഹണ പുരോഗതി വിലയിരുത്തുന്നതിനായി കലക്ടറേറ്റ് മിനി കോണ്ഫറന്സ് ഹാളില് ചേര്ന്ന അവലോകന യോഗത്തില് മന്ത്രി റോഷി അഗസ്റ്റിന് ഇത് സംബന്ധിച്ച് ഉദ്യോഗസ്ഥര്ക്ക് നിര്ദേശം നല്കി. കാരാപ്പുഴ അണക്കെട്ട് പ്രദേശവും നിലവിലുള്ള മെഗാ ടൂറിസം പദ്ധതിയും മന്ത്രി സന്ദര്ശിച്ചതിനുശേഷമാണ് പദ്ധതി തയ്യാറാക്കാന് നിര്ദേശം. അണക്കെട്ടിനും നിലവിലുള്ള ടൂറിസം പാര്ക്കിനും ഇടയിലുള്ള പ്രദേശം മനോഹരമാക്കും. വയനാട് പാക്കേജ്, ജലസേചന വകുപ്പിന്റെ പ്ലാന് ഫണ്ട്, ലഭ്യമായ മറ്റ് സ്കീമുകള് എന്നിവയിലുള്പ്പെടുത്തിയാണ് പദ്ധതി നടപ്പാക്കുക. യോഗത്തില് എംഎല്എമാരായ ഐ സി ബാലകൃഷ്ണന്, ഒ ആര് കേളു, ടി സിദ്ദിഖ് തുടങ്ങിയവര് പങ്കെടുത്തു.
ബാലരാമപുരത്ത് ക്ഷേത്രത്തിന് നേരെ സ്ഫോടക വസ്തു എറിഞ്ഞു
തിരുവനന്തപുരം:ഓട്ടോറിക്ഷയിലെത്തിയ അക്രമികളെ തിരഞ്ഞ് പൊലീസ്തിരുവനന്തപുരം ബാലരാമപുരത്തെ കാട്…
