എടപ്പാള് : നിര്മാണം പൂര്ത്തീകരിച്ച എടപ്പാള് മേല്പ്പാലം പുതുവര്ഷത്തില് നാടിന് സമര്പ്പിക്കും. രണ്ടുദിവസം മഴ ഒഴിഞ്ഞുനിന്നതോടെ ടാറിങ് പ്രവര്ത്തികള് പൂര്ത്തീകരിച്ചു. അടഞ്ഞുകിടന്ന പാതകളെല്ലാം ടാറിങ് ചെയ്ത് തുറന്നുകൊടുത്തു. തൃശൂര്,- കോഴിക്കോട്, പാലക്കാട്, പൊന്നാനി റോഡുകളിലും എടപ്പാള് ടൗണിലും രണ്ട് പാളിയായിട്ടാണ് ടാറിങ് പ്രവൃത്തി പൂര്ത്തീകരിച്ചത്. മേല്പ്പാലത്തിനുമുകളിലെ ടാറിങ്ങാണ് ആദ്യം പൂര്ത്തീകരിച്ചത്. സിഗ്നല് ബോര്ഡ് സ്ഥാപിക്കല്, അടയാളപ്പെടുത്തല് പ്രവൃത്തി എന്നിവ പൂര്ത്തിയാക്കി. പാലത്തിനടിയില് ശുചിമുറികള്, വൈദ്യുതീകരണം എന്നിവ പൂര്ത്തിയാക്കാനുണ്ട്.എടപ്പാളിന്റെ മുഖഛായ മാറ്റുന്ന പദ്ധതിയാണ് മേല്പ്പാലം. തൃശൂര് -കുറ്റിപ്പുറം സംസ്ഥാനപാതയില് ഏറ്റവുമധികം ഗതാഗതക്കുരുക്ക് നേരിടുന്ന ജങ്ഷനാണ് എടപ്പാള്. നാലുറോഡുകള് സംഗമിക്കുന്ന ജങ്ഷനില് രൂക്ഷമായ ഗതാഗതക്കുരുക്കിന് പരിഹാരമെന്ന നിലക്ക് കെ ടി ജലീല് എംഎല്എ മുന്കൈയെടുത്താണ് മേല്പ്പാലമെന്ന ആശയം കൊണ്ടുവന്നത്.
ബാലരാമപുരത്ത് ക്ഷേത്രത്തിന് നേരെ സ്ഫോടക വസ്തു എറിഞ്ഞു
തിരുവനന്തപുരം:ഓട്ടോറിക്ഷയിലെത്തിയ അക്രമികളെ തിരഞ്ഞ് പൊലീസ്തിരുവനന്തപുരം ബാലരാമപുരത്തെ കാട്…
