തിരുവനന്തപുരം: ശക്തമായ മഴയ്ക്കുള്ള സാദ്ധ്യത കണക്കിലെടുത്ത് കേരളത്തിലെ വിവിധ ജില്ലകളില് ഇന്നുമുതല് നാല് ദിവസത്തേയ്ക്ക് യെല്ലോ അലര്ട്ട് പുറപ്പെടുവിച്ചു. നാല് ജില്ലകള്ക്കാണ് യെല്ലോ അലര്ട്ടുള്ളത്.
02/06/2025 : കണ്ണൂര്, കാസര്കോട്
03/06/2025 : കോഴിക്കോട്, വയനാട്, കണ്ണൂര്, കാസര്കോട്
04/06/2025 : കോഴിക്കോട്, വയനാട്, കണ്ണൂര്, കാസര്കോട്
എന്നീ ജില്ലകളിലാണ് മഞ്ഞ അലര്ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാദ്ധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
കേരള – കര്ണാടക തീരങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാദ്ധ്യതയുണ്ട്. ലക്ഷദ്വീപ് തീരത്ത് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് ശക്തമായ കാറ്റിനും സാദ്ധ്യതയുള്ളതായി കേന്ദ്ര കാലാവസ്ഥാ വകുപ്പ് അറിയിച്ചു.
അപകടകരമായ രീതിയില് ജലനിരപ്പുയരുന്നതിനെ തുടര്ന്ന് സംസ്ഥാന ജലസേചന വകുപ്പ് താഴെ പറയുന്ന നദികളില് പുറപ്പെടുവിച്ച ഓറഞ്ച്, മഞ്ഞ അലര്ട്ടുകള് നിലനില്ക്കുന്നുണ്ട്. ഈ നദികളുടെ തീരത്തുള്ളവര് ജാഗ്രത പാലിക്കണമെന്നാണ് അധികൃതരുടെ നിര്ദേശം. നദികളില് ഇറങ്ങാനോ നദി മുറിച്ചു കടക്കാനോ പാടില്ല. അധികൃതരുടെ നിര്ദേശാനുസരണം പ്രളയ സാദ്ധ്യതയുള്ളയിടങ്ങളില് നിന്ന് മാറി താമസിക്കാന് തയ്യാറാവണമെന്നും നിര്ദേശമുണ്ട്.
ഓറഞ്ച് അലര്ട്ട്
പത്തനംതിട്ട: മണിമല (തോന്ദ്ര സ്റ്റേഷന്)
മഞ്ഞ അലര്ട്ട്
ആലപ്പുഴ: അച്ചന്കോവില് (നാലുകെട്ടുകവല സ്റ്റേഷന്)
കാസര്കോട്: മൊഗ്രാല് (മധുര് സ്റ്റേഷന്)
കോട്ടയം: മീനച്ചില് (പേരൂര് സ്റ്റേഷന്)
പത്തനംതിട്ട: അച്ചന്കോവില് (കല്ലേലി സ്റ്റേഷന് & കോന്നി ജിഡി സ്റ്റേഷന്)
