വിമാനത്തില്188 യാത്രക്കാര് ഉണ്ടായിരുന്നു എന്നാണ് റിപ്പോര്ട്ട്. ജെടി 610 എന്ന നമ്പറുള്ള വിമാനം വിമാനം ടേക്ക് ഓഫ് ചെയ്ത് മിനിറ്റുകള്ക്കകം എയര് ട്രാഫിക് കണ്ട്രോള് വിഭാഗവുമായുള്ള ബന്ധം നഷ്ടപ്പെട്ടിരുന്നു.
ബോയിംഗിന്റെ 737 മാക്സ് 8 എന്ന പുതിയ ബ്രാന്റ് വിമാനമായിരുന്നു ഇത്. പ്രാദേശിക സമയം രാവിലെ 6.20നാണ് ജക്കാര്ത്ത വിമാനതാവളത്തില് നിന്നും വിമാനം പറന്നുയര്ന്നത്.
വിമാനത്തിലെ യാത്രക്കാരില് 178 മുതിര്ന്നവരും, ഒരു നവജാത ശിശുവും, 2 കുട്ടികളും 2 പൈലറ്റുമാരും, അഞ്ച് വിമാന ജീവനക്കാരും ഉണ്ടെന്നാണ് റിപ്പോര്ട്ട്. ഈ സമയം സംഭവത്തെ കുറിച്ച് പ്രതികരിക്കാന് തങ്ങള്ക്ക് സാധിക്കില്ല, വിവരങ്ങള് ശേഖരിച്ച് വരികയാണെന്ന് ലയണ് എയര് ഗ്രൂപ്പിന്റെ ചീഫ് എക്സിക്യൂട്ടീവ് എഡ്വാര്ഡ് സിറൈറ്റ് പറഞ്ഞു.
