ആലപ്പുഴ: കായംകുളം നിയോജക മണ്ഡലത്തിലെ വോട്ട് ചോര്ച്ച എങ്ങും ചര്ച്ചയായില്ലെന്ന വിമര്ശനവുമായി അഡ്വ. യു. പ്രതിഭ എം.എല്.എ. ഫെയ്സ്ബുക്ക് കുറിപ്പിലൂടെയാണ് പ്രതിഭയുടെ വിമര്ശനം.
”തെരഞ്ഞെടുപ്പു കാലത്ത് കായംകുളത്തെ ചിലര്ക്കെങ്കിലും ഞാന് അപ്രിയയായ സ്ഥാനാര്ത്ഥിയായിരുന്നു. എന്നാല് താഴെത്തട്ടിലുള്ള സാധാരണ സഖാക്കളും ജനങ്ങളും കൂടെ നിന്നു. അഭിമാനകരമായി നമ്മള്ക്ക് ജയിക്കാന് കഴിഞ്ഞു. ബോധപൂര്വമായി തന്നെ എന്നെ തോല്പ്പിക്കാന് മുന്നില് നിന്ന് നയിച്ച പ്രാദേശിക മാധ്യമ പ്രവര്ത്തകന് പാര്ട്ടി ഏരിയ കമ്മിറ്റി തീരുമാനപ്രകാരം ഹോസ്പിറ്റല് മാനേജ്മെന്റ് കമ്മിറ്റിയില് വന്നതും ദുരൂഹമാണ്. ഏതെങ്കിലും നേതാക്കന്മാരാണ് ഈ പാര്ട്ടി എന്ന് ഞാന് വിശ്വസിക്കുന്നില്ല. അമ്പലപ്പുഴ തെരഞ്ഞെടുപ്പ് ചര്ച്ചയായപ്പോള് പോലും കായംകുളത്തെ വോട്ട് ചോര്ച്ച എങ്ങും ചര്ച്ചയായില്ല. ഏറ്റവും കൂടുതല് വോട്ട്ചോര്ന്നുപോയത് കായംകുളത്തു നിന്നാണ്.” – പ്രതിഭ കുറിപ്പില് പറയുന്നു.
‘എനിക്കെതിരെ കുതന്ത്രം മെനഞ്ഞവര് പാര്ട്ടിയിലെ സര്വ്വസമ്മതരായ് നടക്കുന്നു. ഹാ കഷ്ടം എന്നല്ലതെ എന്ത് പറയാന്. 2001ല് കമ്മ്യൂണിസ്റ്റ് പാര്ട്ടിയിലെ പൂര്ണ്ണ മെമ്പറായി പ്രവര്ത്തനം ആരംഭിച്ച എനിക്ക് ഇന്നും എന്നും എന്റെ പാര്ട്ടിയോട് ഇഷ്ടം..കുതന്ത്രം മെനയുന്ന നേതാക്കന്മാരെ നിങ്ങള് ചവറ്റുകുട്ടയില് ആകുന്ന കാലം വിദൂരമല്ല. കണക്ക് ചോദിക്കാതെ ഒരു കാലവും കടന്നു പോകില്ല..’- എന്നാണ് പ്രതിഭയുടെ കുറിപ്പ് അവസാനിക്കുന്നത്.
അഡ്വ യു. പ്രതിഭ എം.എല്.എയുടെ ഫെയ്സ്ബുക്ക് കുറിപ്പിന്റെ പൂര്ണരൂപം
നമ്മുടെ പാര്ക്ക് ജംഗ്ഷന് പാലം നിര്മ്മാണം പുരോഗമിക്കുന്നു.കഴിഞ്ഞദിവസംപോസ്റ്റ് ഷിഫ്റ്റിംഗുമായി ബന്ധപ്പെട്ട ചില തടസ്സങ്ങള് എന്റെ ശ്രദ്ധയില് തന്നിരുന്നു.അത് പരിഹരിച്ചിട്ടുണ്ട്. ഓരോ വികസനം ചെയ്യുമ്പോഴും ഈ നാട്ടിലെ സാധാരണക്കാരായ ജനങ്ങളുടെ മുഖമാണ് എനിക്ക് സംതൃപ്തി നല്കുന്നത് എന്നെ കൊണ്ട് സാധ്യമായതൊക്കെ ഇനിയും കായംകുളത്തിനായ് ചെയ്യും.
തെരഞ്ഞെടുപ്പു കാലത്ത് കായംകുളത്തെ ചിലര്ക്കെങ്കിലും ഞാന് അപ്രിയയായ സ്ഥാനാര്ത്ഥിയായിരുന്നു.എന്നാല് താഴെത്തട്ടിലുള്ള സാധാരണ സഖാക്കളും ജനങ്ങളും കൂടെ നിന്നു.അഭിമാനകരമായി നമ്മള്ക്ക് ജയിക്കാന് കഴിഞ്ഞു.ബോധപൂര്വമായി തന്നെ എന്നെ തോല്പ്പിക്കാന് മുന്നില് നിന്ന് നയിച്ച പ്രാദേശിക മാധ്യമ പ്രവര്ത്തകന് പാര്ട്ടി ഏരിയ കമ്മിറ്റി തീരുമാനപ്രകാരം ഹോസ്പിറ്റല് മാനേജ്മെന്റ് കമ്മിറ്റിയില് വന്നതുംദുരൂഹമാണ്..ഏതെങ്കിലും നേതാക്കന്മാരാണ് ഈ പാര്ട്ടി എന്ന് ഞാന് വിശ്വസിക്കുന്നില്ല..അമ്പലപ്പുഴ തെരഞ്ഞെടുപ്പ് ചര്ച്ചയായപ്പോള് പോലും കായംകുളത്തെ വോട്ട് ചോര്ച്ച എങ്ങും ചര്ച്ചയായില്ല.ഏറ്റവും കൂടുതല് വോട്ട്ചോര്ന്നുപോയത് കായംകുളത്തു നിന്നാണ്.
കേരള നിയമസഭയില് കായംകുളത്തെ ആണ് അഭിമാനപൂര്വം പ്രതിനിധീകരിക്കുന്നത്.. എനിക്കെതിരെ കുതന്ത്രം മെനഞ്ഞവര് പാര്ട്ടിയിലെ സര്വ്വസമ്മതരായ് നടക്കുന്നു.ഹാ കഷ്ടം എന്നല്ലതെ എന്ത് പറയാന്.2001ല് കമ്മ്യൂണിസ്റ്റ് പാര്ട്ടിയിലെ പൂര്ണ്ണ മെമ്പറായിപ്രവര്ത്തനം ആരംഭിച്ച എനിക്ക് .ഇന്നും എന്നും എന്റെ പാര്ട്ടിയോട് ഇഷ്ടം..കുതന്ത്രം മെനയുന്ന നേതാക്കന്മാരെ നിങ്ങള് ചവറ്റുകുട്ടയില് ആകുന്ന കാലം വിദൂരമല്ല..കണക്ക് ചോദിക്കാതെ ഒരു കാലവും കടന്നു പോകില്ല..
‘മൊന് ന്ത’ ചുഴലിക്കാറ്റ് വരുന്നു; കണ്ണൂര്, കാസര്കോട് ജില്ലകളില് ഇന്ന് യെലോ അലര്ട്ട്
തിരുവനന്തപുരം: സംസ്ഥാനത്ത് മഴ ശക്തമായി തുടരും. കണ്ണൂര്, കാസര്കോട് ജില്ലകളില് ഇന്ന് യെലോ…
