രാഘവ ലോറന്സും കങ്കണ റണൗട്ടും പ്രധാന വേഷത്തിലെത്തുന്ന ‘ചന്ദ്രമുഖി 2’ന്റെ ഫസ്റ്റ്ലുക്ക് പോസ്റ്റര് റിലീസായി. വേട്ടയ്യന് രാജ ആയാണ് രാഘവ ലോറന്സ് ചിത്രത്തില് പ്രത്യക്ഷപ്പെടുന്നത്. പി.വാസു സംവിധാനം ചെയ്യുന്ന ബിഗ് ബജറ്റ് ചിത്രം സെപ്റ്റംബര് 19 വിനായക ചതുര്ഥി ദിനത്തില് ലോകമെമ്പാടും തിയറ്റര് റിലീസ് ചെയ്യും. ലൈക്ക പ്രൊഡക്ഷന്സിന്റെ ബാനറില് സുഭാസ്കരനാണ് ചിത്രം നിര്മ്മിക്കുന്നത്.18 വര്ഷം മുമ്പ് ബോക്സോഫീസില് ചരിത്രം സൃഷ്ടിച്ച ‘ചന്ദ്രമുഖി’യുടെ തുടര്ച്ചയാണ് ‘ചന്ദ്രമുഖി 2’. രജനീകാന്ത്, ജ്യോതിക, പ്രഭു, നയന്താര എന്നിവര് കേന്ദ്ര കഥാപാത്രങ്ങളെ അവതരിപ്പിച്ച ‘ചന്ദ്രമുഖി’ 2005 ഏപ്രില് 14 നാണ് റിലീസ് ചെയ്തത്. പി.വാസുവിന്റെ 65-ാമത്തെ ചിത്രമാണ് ‘ചന്ദ്രമുഖി 2’ ലൈക്ക പ്രൊഡക്ഷന്സാണ് പ്രേക്ഷകരിലേക്കെത്തിക്കുന്നത്. ആര് ഡി രാജശേഖര് ഛായാഗ്രഹണം നിര്വ്വഹിക്കുന്ന ഈ ചിത്രത്തിന്റെ ചിത്രസംയോജനം ആന്റണി കൈകാര്യം ചെയ്യുന്നു. യുഗ ഭാരതി, മദന് കാര്ക്കി, വിവേക്, ചൈതന്യ പ്രസാദ് എന്നിവരുടെ വരികള്ക്ക് ഓസ്കാര് ജേതാവ് എം.എം കീരവാണിയാണ് സംഗീതം പകര്ന്നിരിക്കുന്നത്.
ബാലരാമപുരത്ത് ക്ഷേത്രത്തിന് നേരെ സ്ഫോടക വസ്തു എറിഞ്ഞു
തിരുവനന്തപുരം:ഓട്ടോറിക്ഷയിലെത്തിയ അക്രമികളെ തിരഞ്ഞ് പൊലീസ്തിരുവനന്തപുരം ബാലരാമപുരത്തെ കാട്…
