ഓട്ടോമോട്ടീവ് പെയിന്റിങ് രംഗത്തെ പ്രമുഖരായ നോര്ബിന് തങ്ങളുടെ ഉപഭോക്താക്കള്ക്ക് വേണ്ടി ബിഎഎസ്എഫ്-ന്റെ കോട്ടിംഗ്സ് ഡിവിഷന്റെ സഹകരണത്തോടെ തങ്ങളുടെ ജനപ്രിയ ഡിജിറ്റല് ക്രൗഡ് സോഴ്സിംഗ് കളര് ഫോര്മുല പരിശോധിക്കുന്ന സംവിധാനം വിപുലീകരിച്ചു. ബിഎഎസ്എഫ് റീഫിനിഷ് ഹബ് മൊബൈല് വെബ് ആപ്ലിക്കേഷന് ഇന്ത്യന് ഉപഭൂഖണ്ഡത്തിലുടനീളമുള്ള നോര്ബിന് ഉപയോക്താക്കളെ നിറങ്ങള് എളുപ്പത്തില് തിരയാനും സംരക്ഷിക്കാനും കളര് ഫോര്മുലകള് അപ്ലോഡ് ചെയ്യാനും മേഖലയിലെ മറ്റ് ഉപയോക്താക്കളുമായി പങ്കിടാനും സഹായിക്കും. ബിഎഎസ്എഫ് റീഫിനിഷ് ഹബ് ആപ്ലിക്കേഷന് എല്ലാ നോര്ബിന് ഉപഭോക്താക്കള്ക്കും സൗജന്യമാണ്. കൂടാതെ എല്ലാ ഫോര്മുലയുടെയും ജനപ്രീതിയും റേറ്റിംഗുകളും ബിഎഎസ്എഫ് അതിന്റെ വിശ്വാസ്യതയ്ക്കായി പ്രദര്ശിപ്പിക്കുകയും പരിശോധിക്കുകയും ചെയ്യുന്നു. പ്രദേശം പ്രകാരമുള്ള ഉപയോഗം, വാഹനത്തിന്റെ പ്രായം എന്നിവ പോലുള്ള വിവരണങ്ങള് ശേഖരിക്കാനും, അനാവശ്യമായ മിക്സിംഗ് ചെയ്യാതെ തന്നെ നിറം എങ്ങനെയായിരിക്കുമെന്ന് പ്രവചിക്കാനുള്ള പെയിന്റര്മാരുടെ കഴിവിനെ പിന്തുണയ്ക്കാനും ഈ ആപ്പ് സഹായിക്കും.’ഞങ്ങളുടെ വിജയകരമായ ബിഎഎസ്എഫ് റിഫിനിഷ് ഹബ്ബ് ഇന്ത്യന് വിപണിയിലേക്ക് കൊണ്ടുവരുന്നതില് ഞങ്ങള് സന്തുഷ്ടരാണ്,’ ബിഎഎസ്എഫ്, ഓട്ടോമോട്ടീവ് റിഫിനിഷ് കോട്ടിംഗ്സ് സൊല്യൂഷന്സ് ഏഷ്യാ പസഫിക്, സെയില്സ് മാനേജ്മെന്റ് വൈസ് പ്രസിഡന്റ് സൂസന് ക്ലൂഗെ പറഞ്ഞു. ‘ഇത്തരം ഡിജിറ്റല് സൊല്യൂഷനുകള് മൂല്യബോധമുള്ള ഉപഭോക്താക്കള്ക്ക് അത്യന്താപേക്ഷിതമായ വാഗ്ദാനമാണെന്ന് ഞങ്ങള് വിശ്വസിക്കുന്നു. അതേ സമയം, ഞങ്ങളുടെ ബ്രാന്ഡിനെ കുറിച്ചുള്ള ഏറ്റവും പുതിയ വിവരങ്ങളും അതിന്റെ പിന്നിലെ അഭിനിവേശവും ഉപയോഗിച്ച് ഉപഭോക്താക്കളെ സഹായിക്കുന്നതിന് ഞങ്ങളുടെ നോര്ബിന് ഇന്സ്റ്റഗ്രാം അക്കൗണ്ടും (@norbin_apac) ഞങ്ങള് ആരംഭിച്ചു.’ഇന്ത്യയിലെ നോര്ബിന് പോര്ട്ട്ഫോളിയോയില് ക്ലിയര്കോട്ടുകള്, ബേസ്കോട്ടുകള്, പ്രൈമറുകള് എന്നിവയും ഓരോ തവണയും സ്ഥിരമായ ഗുണനിലവാരവും പ്രകടനവും നല്കുന്നതിനായി രൂപപ്പെടുത്തിയ മറ്റ് സഹായകങ്ങള് ഉള്പ്പെടുന്നു. ബിഎഎസ്എഫ്-ന്റെ പ്രൊഡക്ഷന് പ്രോട്ടോക്കോളുകള്, മാനദണ്ഡങ്ങള്, ഗുണനിലവാര നിയന്ത്രണങ്ങള് എന്നിവ കര്ശനമായി പാലിച്ചുകൊണ്ട് വികസിപ്പിച്ചെടുത്ത, നോര്ബിന് ഉല്പ്പന്നങ്ങള് വിശ്വസനീയവും സങ്കീര്ണ്ണമല്ലാത്തതുമാണ്, കൂടാതെ ഓട്ടോമോട്ടീവ് റിപ്പയര് ചെയ്യുന്നതിനും റിഫൈനിഷിംഗ് പ്രൊഫഷണലുകള്ക്കും ഒരു മത്സരാധിഷ്ഠിത ബദലാണ്.
