ഇംഫാല്: മണിപ്പുരിലെ കലാപം തടയുന്നതില് പരാജയപ്പെട്ട കേന്ദ്ര സര്ക്കാരിനെ കുറ്റപ്പെടുത്തി ബിജെപി സംസ്ഥാന ഘടകം.അതൃപ്തി വ്യക്തമാക്കി ബിജെപി ദേശീയ അധ്യക്ഷന് ജെ പി നദ്ദയ്ക്ക് സംസ്ഥാന നേതാക്കള് കത്തയച്ചു. സാഹചര്യം കൈകാര്യം ചെയ്യുന്നതില് സംസ്ഥാന സര്ക്കാര് പരാജയപ്പെട്ടു എന്നും ജനരോഷവും പ്രതിഷേധവും പ്രവഹിക്കുന്നുവെന്നും നേതാക്കള് വിമര്ശിച്ചു.പ്രധാനമന്ത്രിയുമായി കൂടിക്കാഴ്ച്ച നടത്തണമെന്ന് സംസ്ഥാന നേതാക്കള് അഭ്യര്ഥന നടത്തി. അഭയാര്ഥികള്ക്ക് പുനരധിവാസം ഉടന് ഉറപ്പാക്കണമെന്നും ദേശീയപാതയിലെ ഉപരോധങ്ങള് അവസാനിപ്പിക്കണമെന്നും ആവശ്യപ്പെട്ടു. മണിപ്പൂരില് പ്രശ്നക്കാരെ അറസ്റ്റുചെയ്യണം എന്നും കത്തില് പറഞ്ഞു. ബിജെപി മണിപ്പുര് അധ്യക്ഷ എ ശാരദാ ദേവിയും എട്ട് സംസ്ഥാന ഭാരവാഹികളും ഒപ്പുവച്ച കത്താണ് നല്കിയത്. ഇരകള്ക്ക് നഷ്ടപരിഹാരം നല്കണമെന്നും കത്തില് പറയുന്നു.
