പാലക്കാട് മലമ്പുഴയില് അപകടത്തില്പ്പെട്ട ആനയുടെ ആരോഗ്യനില അതീവ ഗുരുതരമെന്ന് ഡോക്ടര്മാര്. എഴുന്നേല്ക്കാനുളള ആനയുടെ ശ്രമം പരാജയപ്പെട്ടു. ആന്തരിക അവയവങ്ങളുടെ പരുക്ക് സാരമുള്ളതാണെന്നാണ് ഡോക്ടര്മാര് പറയുന്നത്. ആനയുടെ കാലിന്റെ കുഴ തെറ്റിയതാകാമെന്ന് നിഗമനം. സംരക്ഷണ കേന്ദ്രത്തിലേക്ക് മാറ്റാന് കഴിയാത്ത സ്ഥിതിയാണുള്ളത്. വനത്തില് താത്ക്കാലിക സൗകര്യമൊരുക്കിയാണ് ആനയെ നിരീക്ഷിക്കുന്നത്. വിദഗ്ധ ചികിത്സ നല്കി വരുകയാണെന്നും ചീഫ് വെറ്ററിനറി സര്ജന് ഡോ. ഡേവിഡ് എബ്രഹാം പറഞ്ഞു. വിഷയത്തില് പരാതിയുമായി ആന പ്രേമിസംഘം രം?ഗത്തെത്തി. കാട്ടാനക്ക് മതിയായ ചികിത്സ നല്കുന്നില്ലെന്നാണ് ആരോപണം. ആനയെ സംരക്ഷകേന്ദ്രത്തിലേക്ക് മാറ്റി ചികിത്സ നല്കണമായിരുന്നെന്നും വനം വകുപ്പ് ജിപി എന്തുകൊണ്ട് വിഷയത്തില് ഇടപെടുന്നില്ലെന്നുമാണ് ആക്ഷേപം. ആനപ്രേമിസംഘം വനം മന്ത്രിക്കും ചീഫ് വൈല്ഡ് ലൈഫ് വാര്ഡനും പരാതി നല്കി. ആനപ്രേമി സംഘം ജില്ലാ പ്രസിഡന്റ് ഹരിദാസ് മച്ചിങ്ങലാണ് പരാതി നല്കിയത്. ആനയുടെ ആരോഗ്യനില ഗുരുതരമായി തുടരുകയാണ്. എന്നാല് ആനയെ ട്രെയിന് ഇടിച്ചിരിക്കാന് സാധ്യതയില്ലെന്നാണ് ഇന്നലെ വനംവകുപ്പ് സര്ജന് വ്യക്തമാക്കിയത്. നേരിട്ട് ഇടിയേറ്റതിന്റെ പരിക്കുകളോ പാടുകളോ ആനയുടെ ശരീരത്തില് ഇല്ല. ട്രെയിന് വന്ന സമയത്ത് വേഗത്തില് ഓടി വീണ് പരുക്കേറ്റതായിരിക്കാമെന്നായിരുന്നു വിലയിരുത്തല്
