ന്യൂഡല്ഹി:ഡല്ഹിയിലും നോയിഡയിലുമായി ന്യൂസ് ക്ലിക്കുമായി ബന്ധപ്പെട്ട മാധ്യമപ്രവര്ത്തകരുടേയും എഴുത്തുകാരുടേയും വസതികളില് എന്തിനാണ് പരിശോധന നടത്തുന്നതെന്ന് അറിയില്ലെന്ന് സി.പി.എം.
ജനറല് സെക്രട്ടറി സീതാറാം യെച്ചൂരി. മാധ്യമങ്ങളെ നിശബ്ദമാക്കാനുള്ള ശ്രമത്തിന്റെ ഭാഗമാണിതെങ്കില് അതിന്റെ കാരണം അറിയണമെന്നും സീതാറാം യെച്ചൂരി പ്രതികരിച്ചു.റെയ്ഡിന്റെ ഭാഗമായി സീതാറാം യെച്ചൂരിയുടെ ഡല്ഹിയിലെ ഔദ്യോഗിക വസതിയിലും ഡല്ഹി പോലീസിന്റെ സ്പെഷ്യല് സെല് പരിശോധന നടത്തിയിരുന്നു. തന്നോടൊപ്പം അവിടെ താമസിക്കുന്നവരില് ഒരാളുടെ മകന് ന്യൂസ്ക്ലിക്കിലെ ജീവനക്കാരനാണ്. അദ്ദേഹത്തെ ചോദ്യംചെയ്യാനാണ് പോലീസ് വന്നത്. അയാളുടെ ലാപ്ടോപ്പും ഫോണും പോലീസ് കൊണ്ടുപോയെന്നും യെച്ചൂരി പറഞ്ഞു .ഡല്ഹിയിലെ കാനിങ് റോഡിലെ 36-ാം നമ്ബറിലുള്ള യെച്ചൂരിയുടെ ഔദ്യോഗിക വസതിയിലാണ് റെയ്ഡ് നടന്നത്. അദ്ദേഹം ഇവിടെ താമസിക്കാറില്ല. ഇതുകൂടാതെ ഡല്ഹിയിലും നോയിഡയിലുമായി 30-ഓളം സ്ഥലങ്ങളില് റെയ്ഡ് നടന്നിരുന്നു.
