കൊച്ചി: നാലാം ക്ലാസ് വിദ്യാര്ഥിനി സ്കൂള് ബസിന് അടിയില്പ്പെട്ട സംഭവത്തില് ഡ്രൈവറുടെ ലൈസന്സ് മോട്ടര് വാഹന വകുപ്പ് സസ്പെന്റ് ചെയ്തു.എറണാകുളം പെരുമ്ബാവൂരിലെ മെക്ക സ്കൂളിലെ ബസ് ഡ്രൈവര് ഉമ്മറിന്റെ (54) ലൈസന്സാണ് സസ്പെന്റ് ചെയ്തത്. കഴിഞ്ഞ 12ന് ഒക്കലിലാണ് അപകടമുണ്ടായത്.വീടിനു മുന്നില് സഹോദരിയോടൊപ്പം സ്കൂള് ബസില് നിന്ന് ഇറങ്ങിയ പെണ്കുട്ടി ബസിനു മുന്നിലൂടെ പോകുമ്ബോഴാണ് അപകടമുണ്ടായത്. പെണ്കുട്ടി റോഡിന്റെ മറുഭാഗത്തേക്ക് കടക്കുമ്ബോള് ബസ് അശ്രദ്ധമായി മുന്നോട്ടെടുക്കുകയായിരുന്നു. പെട്ടെന്ന് പെണ്കുട്ടി ബസ്സിനടിയിലേക്ക് വീണു. ബസിന്റെ അടിയില് ഇരുവശങ്ങളിലെയും ചക്രങ്ങള്ക്ക് നടുവില് വീണതിനാല് കുട്ടി പരിക്കേല്ക്കാതെ രക്ഷപ്പെടുകയായിരുന്നു. ഇതിന്റെ സിസിടിവി ദൃശ്യങ്ങളുള്പ്പെടെ പുറത്ത് വന്നിരുന്നു. തുടര്ന്നാണ് ഡ്രൈവര്ക്കെതിരെ നടപടിയെടുത്തത്.
