തിരുവനന്തപുരം: ശബരിമലയില് യുവതികള് പ്രവേശിക്കുന്നതിനെ ദേവസ്വം ബോര്ഡിന് വിലക്കാനാവില്ലെന്ന് നിയമോപദേശം ലഭിച്ചു. സുപ്രീംകോടതിയുടെ പുതിയ ഇടപെടലില് യുവതീ പ്രവേശനം വിലക്കാനാവില്ലെന്നാണ് മുതിര്ന്ന അഭിഭാഷകരുടെ നിയമോപദേശം. യുവതീപ്രവേശനം നടപ്പാക്കുകയാണ് ബോര്ഡിന് മുന്നിലുള്ള പോംവഴി. ചൊവ്വാഴ്ചത്തെ കോടതിയുടെ ഇടപെടലോടെ യുവതി പ്രവേശനം വേണമെന്ന വിധിയില് കൂടുതല് വ്യക്തത വന്നെന്നും അഡ്വ. ചന്ദ്ര ഉദയ് സിങ് ബോര്ഡിന് നിയമോപദേശം നല്കി.
യുവതീ പ്രവേശനം അനുവദിച്ച ഭരണഘടനാ ബെഞ്ചിന്റെ വിധിക്കെതിരെയുള്ള പുനഃപരിശോധന ഹര്ജികള് ജനുവരി 22 ന് തുറന്ന കോടതിയില് പരിഗണിക്കുമെന്ന് ചൊവ്വാഴ്ച സുപ്രീംകോടതി പറഞ്ഞിരുന്നു. നിലവിലെ വിധിക്ക് സ്റ്റേയില്ലെന്നും കോടതി വ്യക്തമാക്കിയിരുന്നു. എന്നാല് ഇക്കാര്യത്തില് സമവായ നീക്കത്തിനായി ശ്രമിക്കുന്നതിന്റെ ഭാഗമായിട്ടാണ് ദേവസ്വംബോര്ഡ് നിയമോപദേശം തേടിയിരുന്നത്. എന്നാല് യുവതീ പ്രവേശനം വേണമെന്ന് ആദ്യത്തെ കോടതി വിധിയേക്കാളും രണ്ടാമത്തെ കോടതി വിധി വ്യക്തത തരുന്നുണ്ടെന്നാണ് നിയമോപദേശം ലഭിച്ചത്.
നാളെ മുഖ്യമന്ത്രി വിളിച്ചു ചേര്ത്തിരിക്കുന്ന സര്വകക്ഷി യോഗത്തില് ദേവസ്വം ബോര്ഡ് ഈ നിയമോപദേശത്തെക്കുറിച്ച് അറിയിക്കും
അയ്യനെ തൊഴുത് രാഷ്ട്രപതി; ഇരുമുടിക്കെട്ട് ക്ഷേത്രനടയില് സമര്പ്പിച്ചു
അയ്യനെ തൊഴുത് രാഷ്ട്രപതി. ഇരുമുടിക്കെട്ടുമായി പതിനെട്ടാംപടി ചവിട്ടിയാണ് അയ്യപ്പ ദര്ശനം പൂ…
