1രഞ്ജിത്ത് സജീവ്, ദിലീഷ് പോത്തന് എന്നിവരെ പ്രധാന കഥാപാത്രങ്ങളാക്കി ഫ്രാഗ്രന്റ് നേച്ചര് ഫിലിം ക്രിയേഷന്സിന്റെ ബാനറില് ആന്, സജീവ് എന്നിവര് ചേര്ന്ന് നിര്മിക്കുന്ന ഗോളത്തിന്റെ ഫസ്റ്റ് ലുക്ക് പോസ്റ്റര് പുറത്തിറങ്ങി.സസ്പെന്സ് മിസ്റ്ററി ത്രില്ലറായി ഒരുങ്ങുന്ന ചിത്രം സംവിധാനം ചെയ്യുന്നത് നവാഗതനായ സംജാദ് ആണ് .മൈക്ക്, ഖല്ബ് എന്നീ ചിത്രങ്ങള്ക്ക് ശേഷം രഞ്ജിത്ത് സജീവ് കേന്ദ്രകഥാപാത്രത്തെ അവതരിപ്പിക്കുന്ന ഗോളത്തില് ദിലീഷ് പോത്തന്, സിദ്ദീഖ്, അലന്സിയര്, ചിന്നുചാന്ദിനി, തുടങ്ങിയ പ്രധാനതാരങ്ങള്ക്കൊപ്പം പതിനേഴോളം പുതുമുഖ താരങ്ങളും അണിനിരക്കുന്നു. പ്രവീണ് വിശ്വനാഥും സംജാദും ചേര്ന്നാണ് ഗോളത്തിന്റെ തിരക്കഥ ഒരുക്കിയിരിക്കുന്നത്.സസ്പെന്സ് ത്രില്ലര് ഇരട്ടയുടെ കാമറ കൈകാര്യം ചെയ്ത വിജയ് കൃഷ്ണന് ഗോളത്തിന്റെ ഛായാഗ്രാഹകനാകുന്നു. നെയ്മര്, കിംഗ് ഓഫ് കൊത്ത തുടങ്ങിയ സിനിമകളുടെ കലാസംവിധാനം ഒരുക്കിയ നിമിഷ് താനൂര് ഗോളത്തിന്റെ കലാസംവിധാനം ഒരുക്കുന്നു.ഉദയ് രാമചന്ദ്രന് എക്സിക്യൂട്ടീവ് പ്രൊഡ്യൂസര്. എബി സാല്വിന് തോമസ് സംഗീതവും പശ്ചാത്തല സംഗീതവും നിര്വഹിക്കുന്നു .മേക്കപ്പ് രഞ്ജിത്ത് മണാലിപറമ്ബില്. സ്റ്റില്സ്-ജസ്റ്റിന് വര്ഗീസ്. ശബ്ദമിശ്രണം വിഷ്ണു ഗോവിന്ദ്. ചിത്രം ജനുവരിയില് തിയറ്ററുകളില് എത്തും.
