റിയാദ്: ഉംറ തീര്ത്ഥാടകര് സഞ്ചരിച്ചിരുന്ന വാഹനം അപകടത്തില്പ്പെട്ട് ഒട്ടേറേ പേര് മരിച്ചതായി റിപ്പോര്ട്ട്.സൗദി അറേബ്യയിലെ മഹായിലാണ് അപകടമുണ്ടായത്. ബംഗ്ളാദേശില് നിന്നുള്ള തീര്ത്ഥാടകര് സഞ്ചരിച്ചിരുന്ന വാഹനമാണ് ജിദ്ദ റൂട്ടിലെ അബഹയ്ക്കും മഹായിലിനും ഇടയിലുള്ള ഷഹാര് അല്റാബത്ത് ചുരത്തില് അപകടത്തില്പ്പെട്ടത് . ബസ് അപകടത്തില്പ്പെട്ട് കത്തിയമര്ന്നു. 20-ല് അധികം പേര് മരിച്ചതായാണ് പ്രാഥമിക വിവരം.പരിക്കേറ്റ 18 പേരെ മഹായിലെ ജനറല് ആശുപത്രി, അബഹ അസീര് ആശുപത്രി, അബഹ പ്രൈവറ്റ് ആശുപത്രി, ജര്മന് ആശുപത്രി എന്നിവിടങ്ങളില് പ്രവേശിപ്പിച്ചു. ഇന്ത്യാക്കാരാരും അപകടത്തിലുള്പ്പെട്ടിട്ടില്ല എന്നാണ് അറിയാന് കഴിയുന്നത്. സംഭവത്തെക്കുറിച്ചുള്ള കൂടുതല് വിവരങ്ങള് ലഭ്യമായിട്ടില്ല.
