ഹൈദരാബാദ്: കിഴക്കൻ ലഡാക്കിലെ ഗാൽവൻ വാലിയിലുണ്ടായ ഇന്ത്യാ ചൈനാ സംഘർഷത്തിൽ വീരമൃത്യു വരിച്ച കേണൽ സന്തോഷ് ബാബുവിന്റെ ഭാര്യ സന്തോഷിയെ ഡെപ്യൂട്ടി കളക്ടറായി നിയമിച്ചു. തെലങ്കാന മുഖ്യമന്ത്രി കെ ചന്ദ്രശേഖർ റാവു ബുധനാഴ്ച പ്രാഗതി ഭവനിൽ സന്തോഷിക്ക് നിയമന കത്ത് കൈമാറി.
എപ്പോഴും സന്തോഷിയുടെ കുടുംബത്തോടൊപ്പം ഉണ്ടായിരിക്കുമെന്ന് മുഖ്യമന്ത്രി ഉറപ്പ് നൽകുകയും ചെയ്തു. ശരിയായ പരിശീലനം ലഭിക്കുകയും ജോലിയിൽ സ്ഥിരമാക്കുകയും ചെയ്യുന്നതുവരെ സന്തോഷിക്കൊപ്പം ഉണ്ടായിരിക്കണമെന്ന് മുഖ്യമന്ത്രി തന്റെ സെക്രട്ടറി സ്മിത സബർവാളിനോട് ആവശ്യപ്പെട്ടു.
മന്ത്രിമാരായ ജഗദീഷ് റെഡ്ഡി, പ്രശാന്ത് റെഡ്ഡി, ഐക്യ നാൽഗൊണ്ട ജില്ലാ എംപി നിരഞ്ജൻ റെഡ്ഡി, എംഎൽഎമാരായ ഗ്യാദേരി കിഷോർ, ബൊല്ലം മല്ലയ്യ യാദവ്, ചിരുമീർത്തി ലിംഗയ്യ, സെയ്ദിരെഡി, ജില്ലാ പരിഷത്ത് ചെയർപേഴ്സൺ ദീപിക ചീഫ് സെക്രട്ടറി മഗന്ദർ റെഡ്, രാജീവ് ശർമ എന്നിങ്ങനെ നിരവധി പേരുടെ സാന്നിദ്ധ്യത്തിലാണ് നിയമന ഉത്തരവ് കൈമാറിയത്.
