ചലച്ചിത്ര താരവും മിമിക്രി ആര്ട്ടിസ്റ്റുമായ കലാഭവന് മുഹമ്മദ് ഹനീഫ് അന്തരിച്ചു. 58 വയസായിരുന്നു. കലാഭവന് ട്രൂപ്പിലെ പ്രധാന മിമിക്രി താരമായിരുന്നു ഹനീഫ്. നാടകത്തിലൂടെ തുടങ്ങിയ കലാജീവിതമാണ് ഹനീഫിനെ കലാഭവനിലെത്തിച്ചത്. നിരവധി സിനിമകളിലും ഹാസ്യ പരിപാടികളിലും വേഷമിട്ടിട്ടുണ്ട്.എറണാംകുളം ജില്ലയിലെ മട്ടാംചേരിയില് ഹംസയുടെയും സുബൈദയുടെയും മകനാണ് മുഹമ്മദ് ഹനീഫ്. വിദ്യാഭ്യാസത്തിന് ശേഷം ഒരു സെയില്സ്മാനായി അദ്ദേഹം ജോലിചെയ്തിരുന്നതിനോടൊപ്പം നാടക വേദികളിലും സജീവമായി. നാടകത്തിലൂടെ തുടങ്ങിയ കലാജീവിതം ഹനീഫിനെ കലാഭവനില് കൊണ്ടെത്തിച്ചു. പിന്നീട് കലാഭവന് ട്രൂപ്പിലെ പ്രധാന മിമിക്രി ആര്ട്ടിസ്റ്റായി അദ്ദേഹം മാറി.
