കേരളത്തിലെ അതിജീവനത്തിന്റെ ഉത്തരം ജനങ്ങളുടെ ഐക്യമാണെന്നു മുഖ്യമന്ത്രി. എല്ഡിഎഫ് ഗവണ്മെന്റ് ജനങ്ങള്ക്ക് നല്കിയത് പുതിയ പ്രത്യാശ.നിരാശയിലായിരുന്ന കേരളജനതയെ കൈപിടിച്ചുയര്ത്താന് ഈ സര്ക്കാരിനായെന്നും അദ്ദേഹം പറഞ്ഞു. കോഴിക്കോട് കൊയിലാണ്ടിയിലെ നവകേരള സദസ് ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി. സമസ്തമേഖലകളെയും പുരോഗതിയിലേക്ക് നയിക്കുക എന്ന ദൗത്യമാണ് ജനങ്ങള് ഏല്പിച്ചത്. ജനങ്ങളുടെ പ്രതീക്ഷക്ക് അനുസരിച്ച് പ്രവര്ത്തിക്കാന് സര്ക്കാരിനായി. തകര്ന്നടിഞ്ഞ് പോയ ഇടങ്ങളും,നടപ്പാവില്ല എന്ന് കരുതിയ പദ്ധതികളും നടപ്പാവുന്ന നില കേരളത്തില് വന്നു. ഇവിടെ പലതും നടക്കും എന്ന ബോധ്യം കേരളത്തിലെ ജനങ്ങള്ക്ക് വന്നു.നമ്മുടെ മുന്നില് വഴി സുഗമമായിരുന്നില്ല. പല പ്രതിസന്ധികളും പ്രകൃതി ക്ഷോഭങ്ങളും നമുക്ക് മുന്നില് തടസമായി എത്തി. പ്രളയം ഉണ്ടായി,ഓഖി വന്നു,കോവിഡ് വ്യാപനം ഉണ്ടായി. ഇതിലൊന്നും കേന്ദ്രസര്ക്കാരിന്റെ ഭാഗത്തുനിന്ന് ആവശ്യമായ പിന്തുണ ലഭിച്ചില്ല. സഹായിച്ചില്ല എന്ന് മാത്രമല്ല അര്ഹമായത് നിഷേധിക്കുന്ന പ്രവണതയാണ് കേന്ദ്രസര്ക്കാര് സ്വീകരിച്ചത്. കോവിഡ് കാലത്ത് ലഭിച്ച അരിക്ക് പോലും കേന്ദ്രം വിലയീടാക്കുന്ന അവസ്ഥ ഉണ്ടായി. ഇത്തരത്തിലുള്ള എല്ലാ പ്രതിസന്ധികളെയും അതിജീവിക്കാന് നമുക്കായി.ഇതിന് നമ്മളെ പ്രാപ്തമാക്കിയത് കേരളത്തിലെ ജനങ്ങളുടെ ഐക്യവും ഒരുമയുമാണ്. രാജ്യത്തിനും ലോകത്തിനും അത് അഭുതമുളവാക്കി. അതിജീവിക്കാന് കേരളത്തിലെ ജനങ്ങളുടെ ഐക്യം സഹായിച്ചുവെന്നും മുഖ്യമന്ത്രി പറഞ്ഞു.
fatpirate casino 2026 – Yleiskatsaus ja ominaisuudet
Lyhyt katsaus siihen, mitä tämä oppimiskokemus tarjoaa Fatpirate casinon esittely aloittaa…
