തിരുവനന്തപുരം: പെണ്കുട്ടികളെ സ്വയം പര്യാപ്തതയില് എത്തിച്ചതിനു ശേഷമാവണം വിവാഹം നടത്തേണ്ടതെന്ന് വനിതാ കമീഷന് അധ്യക്ഷ അഡ്വ.പി.സതീദേവി. പട്ടിക വര്ഗ മേഖല ക്യാമ്ബിന്റെ ഭാഗമായി കുറ്റിച്ചല് ഗ്രാമ പഞ്ചായത്തിലെ മണ്ണാംകോണം കമ്മ്യൂണിറ്റി ഹാളില് നടത്തിയ സെമിനാര് ഉദ്ഘാടനം ചെയ്യുകയായിരുന്നു വനിതാ കമ്മിഷന് അധ്യക്ഷ.നിയമപരമായി 18 വയസില് വിവാഹം കഴിക്കാന് സാധിക്കുമെങ്കിലും ഈ പ്രായത്തില് തന്നെ വിവാഹം നടത്തണമെന്ന് നിര്ബന്ധബുദ്ധി പുലര്ത്തേണ്ടതില്ല. കുടുംബശ്രീ ഓക്സിലിയറി ഗ്രൂപ്പുകള് മുഖേന യുവതികള്ക്ക് നൈപുണ്യ പരിശീലനം ലഭ്യമാക്കണം. അംഗന്വാടികളിലേക്കും സ്കൂളുകളിലേക്കും എല്ലാ ദിവസവും കുട്ടികളെ അയക്കാന് മാതാപിതാക്കള് ശ്രദ്ധിക്കണം. സ്കൂള് പഠനത്തിനു സജ്ജമാക്കുന്ന മികച്ച പരിശീലനമാണ് അംഗന്വാടികളില് കുട്ടികള്ക്കു ലഭിക്കുന്നത്.പഠനത്തിനൊപ്പം പോഷക മൂല്യമുള്ള ആഹാരവും അംഗന്വാടികളില് കൃത്യമായി കുട്ടികള്ക്കു ലഭിക്കുന്നുണ്ട്. രണ്ടര വയസു കഴിഞ്ഞ കുട്ടികളെ നിര്ബന്ധമായും അംഗന്വാടികളില് അയയ്ക്കാന് മാതാപിതാക്കള് ശ്രദ്ധിക്കണം. കുട്ടികള്ക്ക് വിദ്യാലയങ്ങളില് എത്തുന്നതിന് നിലവിലുള്ള യാത്രാസൗകര്യങ്ങളെയെല്ലാം ഉപയോഗപ്പെടുത്തണം. പുകയില ഉപയോഗിച്ചുള്ള മുറുക്ക് കാന്സറിനു കാരണമാകുമെന്ന് ഗോത്ര ജനത തിരിച്ചറിയണം. കുടുംബ ബന്ധങ്ങളെയും ആരോഗ്യത്തെയും തകര്ക്കുന്നതിനാല് മദ്യപാനം ഒഴിവാക്കണം.ഗോത്ര ജനതയുടെ ജീവിതം മെച്ചപ്പെടുത്തുന്നതിന് പ്രാധാന്യം നല്കുന്ന കേരളത്തിലേതു പോലെ മറ്റൊരു സംസ്ഥാന സര്ക്കാര് ഇന്ത്യയിലില്ല. പട്ടികവര്ഗ വിഭാഗത്തില്പ്പെട്ടവരുടെ ക്ഷേമത്തിനായി വിപുലമായ കര്മ പദ്ധതികളാണ് സംസ്ഥാന സര്ക്കാര് നടപ്പാക്കി വരുന്നത്. ഈ വിഭാഗത്തിന്റെ മുന്നേറ്റത്തിനായി വിദ്യാഭ്യാസ മേഖലക്ക് ഊന്നല് നല്കിയുള്ള പദ്ധതികളാണ് നടപ്പാക്കി വരുന്നത്. സര്ക്കാര് നടപ്പാക്കുന്ന വിദ്യാഭ്യാസ, ക്ഷേമ പദ്ധതികളുടെ പ്രയോജനം ഗോത്ര ജനതക്ക് ലഭ്യമാക്കുന്നതിന് ആവശ്യമായ അവബോധം നല്കുന്നതിന് പട്ടികവര്ഗ പ്രമോട്ടര്മാര് ജനങ്ങളിലേക്ക് നേരിട്ടു ചെല്ലണമെന്നും വനിതാ കമ്മിഷന് അധ്യക്ഷ പറഞ്ഞു.വനിതാ കമ്മിഷന് അംഗം വി.ആര്. മഹിളാമണി അധ്യക്ഷത വഹിച്ചു. കുറ്റിച്ചല് ഗ്രാമപഞ്ചായത്ത് പ്രസിഡന്റ് ജി. മണികണ്ഠന് മുഖ്യാതിഥിയായിരുന്നു. പട്ടികവര്ഗ മേഖലയിലെ പദ്ധതികളും പോളിസികളും എന്ന വിഷയം കട്ടേല ഡോ. അംബേദ്കര് മെമ്മോറിയല് റസിഡന്ഷ്യല് സ്കൂള് സീനിയര് സൂപ്രണ്ട് എസ്. ഷിനുവും ലഹരിയുടെ കാണാക്കയങ്ങള് എന്ന വിഷയം ആര്യനാട് റേഞ്ച് എക്സൈസ് പ്രിവന്റീവ് ഓഫീസര് ബി. ഗിരീഷും അവതരിപ്പിച്ചു.
ബാലരാമപുരത്ത് ക്ഷേത്രത്തിന് നേരെ സ്ഫോടക വസ്തു എറിഞ്ഞു
തിരുവനന്തപുരം:ഓട്ടോറിക്ഷയിലെത്തിയ അക്രമികളെ തിരഞ്ഞ് പൊലീസ്തിരുവനന്തപുരം ബാലരാമപുരത്തെ കാട്…
