സിനിമകളുടെ ഉള്ളടക്കത്തില് ഇടപെടാന് സര്ക്കാരിന് പരിമിതിയുണ്ടെന്ന് സാംസ്കാരിക മന്ത്രി സജി ചെറിയാന്. അക്രമവാസനയും മയക്കുമരുന്ന് ഉപയോഗവും പ്രോത്സാഹിപ്പിക്കുന്ന സിനിമകളെ ഒരുതരത്തിലും അംഗീകരിക്കാന് കഴിയില്ല. ആവിഷ്കാര സ്വാതന്ത്ര്യത്തിന്റെ വിഷയമുള്ളതിനാലാണ് സിനിമയുടെ ഉള്ളടക്കത്തില് സര്ക്കാരിന് ഇടപെടാന് പരിമിതിയെന്നും മന്ത്രി നിയമസഭയില് പറഞ്ഞു.
സിനിമ മേഖലയുമായി ബന്ധപ്പെട്ട് ലഭിക്കുന്ന പരാതികള് സെന്സര് ബോര്ഡിന്റെ ശ്രദ്ധയില് കൊണ്ടുവന്നിട്ടുണ്ട്. അക്രമവും മയക്കുമരുന്ന് ഉപയോഗവും പ്രോത്സാഹിപ്പിക്കുന്ന സിനിമകള്ക്ക് നിയന്ത്രണം ഏര്പ്പെടുത്തണമെന്ന് കേന്ദ്ര വാര്ത്താവിനിമയ മന്ത്രാലയത്തോടും സെന്സര് ബോര്ഡിനോടും അടിയന്തരമായി ആവശ്യപ്പെട്ടിട്ടുണ്ടെന്നും അദ്ദേഹം പറഞ്ഞു.
കൂടാതെ OTTയിലും ഇത്തരം സിനിമകള്ക്ക് നിയന്ത്രണം കൊണ്ടുവരണമെന്ന് ആവശ്യപ്പെട്ടിട്ടുണ്ട്. ആവിഷ്കാര സ്വാതന്ത്ര്യത്തിന്റെ വിഷയമുള്ളതിനാലാണ് സിനിമയുടെ ഉള്ളടക്കത്തില് സര്ക്കാരിന് ഇടപെടാന് പരിമിതിയുള്ളതെന്നും സജി ചെറിയാന് കൂട്ടിച്ചേര്ത്തു.
