രാജ്യത്തെ ഏറ്റവും വലിയ ഹൈന്ദവ തീര്ത്ഥാടനം ആയ കുംഭ മേള നടക്കുന്ന സ്ഥലം വഖഫ് ബോര്ഡിന്റെ ഉടമസ്ഥതയിലുള്ളതാണെന്നും മുസ്ലീം സമുദായം ഹിന്ദുക്കള്ക്ക് ഇത് സൗജന്യമായി നല്കിയതാണെന്നും അഖിലേന്ത്യാ മുസ്ലീം ജമാഅത്ത് പ്രസിഡന്റ് മൗലാന ഷഹാബുദ്ദീന് റസ്വി ബറേല്വി അവകാശപ്പെടുന്ന വീഡിയോ സന്ദേശം വിവാദമായിരിക്കുകയാണ്. പ്രസ്താനവയ്ക്ക് എതിരെ രൂക്ഷ പ്രതികരണവുമായി ഹിന്ദു നേതാക്കള് രം?ഗത്ത് എത്തി. ഹിന്ദു മഹാസഭ പ്രസിഡന്റ് സ്വാമി ചക്രപാണി മഹാരാജ് മൗലാനയുടെ ആരോപണങ്ങളെ തള്ളിക്കളഞ്ഞു. മൗലാനയെ പാകിസ്ഥാന് സ്പോണ്സര് ചെയ്യുന്നയാളാണെന്നും ഭീകര ചിന്താഗതിയുള്ളവനാണെന്നും സ്വാമി ആരോപിച്ചു. [controversial statement on Kumbh Mela]
മുസ്ലീം സമുദായത്തിന്റെ വിശാല മനസ് കാരണമാണ് കുംഭമേളയ്ക്ക് വഖഫ് ഭൂമി നല്കിയത് എന്നും മൗലാന ഷഹാബുദ്ദീന് റസ്വി ബറേല്വി പറഞ്ഞിരുന്നു. എന്നാല് ചില ഹിന്ദു സംഘടനകള് കുംഭമേളയില് മുസ്ലീങ്ങളുടെ പ്രവേശനം നിരോധിച്ചിരിക്കുന്നത് അനീതിയാണെ് അദ്ദേഹം കുറ്റപ്പെടുത്തി. കുംഭ മേളയില് മുസ്ലിംകളെ പ്രവേശിക്കാന് അനുവദിക്കണമെന്നും വീഡിയോയില് അദ്ദേഹം പറഞ്ഞു.
മഹാ കുംഭം അലങ്കോലപ്പെടുത്താനാണ് ഒരു കൂട്ടം ആളുകള് ശ്രമിക്കുന്നതെന്നും ഇതിനെതിരെ പൊലീസ് അന്വേഷണം വേണമെന്നും സ്വാമി സ്വാമി ചക്രപാണി മഹാരാജ് വ്യക്തമാക്കി. മൗലാന ഷഹാബുദ്ദീന് റസ്വി ബറേല്വിയുടെ പരാമര്ശങ്ങള് പ്രദേശത്ത് മതപരമായ പിരിമുറുക്കം സൃഷ്ടിച്ചിരിക്കുകയാണ് എന്ന് അദ്ദേഹം പറഞ്ഞു.
2022 രൂപീകരിക്കപ്പെട്ട അഖിലേന്ത്യാ മുസ്ലീം ജമാഅത്ത് എന്ന് സംഘടനയുടെ സ്ഥാപക പ്രസിഡന്റ് ആയ മൗലാന ഷഹാബുദ്ദീന് റസ്വി ബറേല്വി ഇതിന് മുമ്പും വിവാദങ്ങളില് പെട്ടിട്ടുണ്ട്. സി എ എ മുസ്ലിങ്ങള്ക്ക് എതിരല്ല എന്നും മോദിയും യോ?ഗിയും അഖണ്ഡ ഭാരതം എന്ന സ്വപ്നം സാക്ഷാത്കരിക്കും എന്നദ്ദേഹം പറഞ്ഞു. നിര്മ്മാണം ആരംഭിക്കാന് ഇരിക്കുന്ന അയോധ്യ മുസ്ലിം പള്ളിയുടെ തറക്കല്ല ഇടേണ്ടത് സൗദിയിലെ മെക്ക ഇമാം അല്ല പകരം പ്രധാനമന്ത്രി നരേന്ദ്രമോദിയാണ് എന്ന് മൗലാന പറഞ്ഞിരുന്നു. പോപ്പുലര് ഫ്രണ്ടിന്റെ നിരോധനത്തെയും അദ്ദേഹം സ്വാ?ഗതം ചെയ്തിട്ടുണ്ട്.
