കോട്ടയം: ഗാന്ധി ജയന്തി ദിനാഘോഷത്തിന്റെ ഭാഗമായി തിരുനക്കരയിലെ ഗാന്ധി പ്രതിമയില് സഹകരണ-രജിസ്ട്രേഷന് വകുപ്പ് മന്ത്രി വി.എന്. വാസവന്റെ നേതൃത്വത്തില് ഹാരാര്പ്പണവും പുഷ്പാര്ച്ചനയും നടത്തി.
ജില്ലാ ഭരണകൂടത്തിന്റെ ആഭിമുഖ്യത്തില് നടന്ന പരിപാടിയില് തോമസ് ചാഴികാടന് എം.പി, തിരുവഞ്ചൂര് രാധാകൃഷ്ണന് എം.എല്.എ., ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി, ജില്ലാ കളക്ടര് ഡോ. പി.കെ. ജയശ്രീ, കോട്ടയം നഗരസഭ വൈസ് ചെയര്മാന് ബി. ഗോപകുമാര്, നഗരസഭ കൗണ്സിലര് സിന്സി പാറേല് എന്നിവര് ഹാരാര്പ്പണവും പുഷ്പാര്ച്ചനയും നടത്തി. ജില്ലാ ഇന്ഫര്മേഷന് ഓഫീസര് എ. അരുണ് കുമാര്, ഡെപ്യൂട്ടി കളക്ടര് പി.ജി രാജേന്ദ്രബാബു, തഹസില്ദാര് ലിറ്റിമോള് എന്നിവര് പങ്കെടുത്തു.
