ലണ്ടന്: ലിംഗപരമായി വേതനത്തില് വ്യത്യാസം വരുത്തിയെന്ന് ആരോപിച്ച് തൊഴിലുടമകള്ക്കെതിരായ കേസ് വിജയിച്ച ബ്രിട്ടീഷ് വനിത നേടിയത് 2 മില്യണ് പൗണ്ട് (ഏകദേശം 20 കോടി രൂപ).ഫ്രഞ്ച് ബാങ്കായ ബിഎന്പി പാരിബാസില് പ്രൈം ഫിനാന്ഷ്യല് സ്പെഷ്യലിസ്റ്റായി ജോലി ചെയ്തിരുന്ന സ്റ്റേസി മാക്കന്, തന്റെ സഹപ്രവര്ത്തകരായ പുരുഷന്മാര് തന്നെക്കാള് കൂടുതല് വരുമാനം നേടുന്നത് ശ്രദ്ധയില്പ്പെട്ടതിനെത്തുടര്ന്ന് തൊഴിലുടമയ്ക്കെതിരെ കേസ് കൊടുക്കുകയായിരുന്നു.ലാഡ് ബൈബിളിന്റെ റിപ്പോര്ട്ട് അനുസരിച്ച്, 2013-ല് 120,000 പൗണ്ട് (1,21,87,320 രൂപ) ശമ്ബളത്തില് ബിഎന്പി പരാബിസ് മാക്കനെ നിയമിച്ചു, ഡ്യൂഷെ ബാങ്കില് വൈസ് പ്രസിഡണ്ടായി ചുമതലയേറ്റതിനെത്തുടര്ന്ന്, അതേ ജോലിയുടെ പേരും ചുമതലകളുമുള്ള പുരുഷ സഹപ്രവര്ത്തകന് 160,000 പൗണ്ട് (1,62,50,747 രൂപ) പ്രതിഫലമായി ലഭിച്ചു എന്നവര് കണ്ടെത്തി.’ലിംഗ വേതന വ്യത്യാസത്തിന് പുറമേ, ജോലിസ്ഥലത്ത് മാക്കന് ലൈംഗികത വിവേചനം നിറഞ്ഞ പെരുമാറ്റവും അനുഭവിച്ചിട്ടുണ്ട്. മാറ്റ് പിനോക്ക് എന്നറിയപ്പെടുന്ന മാക്കന്റെ മേലധികാരികളിലൊരാള് ജോലിസ്ഥലത്ത് ലൈംഗികാതിക്രമം കാണിക്കുന്നു. മാക്കന് ഓഫീസില് ആഭ്യന്തര പരാതി പരിഹാര സമിതിയില് ഉന്നയിച്ചിട്ടും, ജോലിസ്ഥലത്തെ സ്ത്രീ തൊഴിലാളികള്ക്ക് വിദ്വേഷമുണ്ടാക്കുന്ന പുരുഷ തൊഴിലാളികള്ക്കെതിരെ ഒരു നടപടിയും ഉണ്ടായില്ല. പിനോക്കിന്റെ മുന് അസിസ്റ്റന്റ് ജോര്ജിന ചാപ്മാന് ട്രിബ്യൂണലിനോട് പറഞ്ഞതനുസരിച്ച്, ഒരു ദിവസം ഉച്ചതിരിഞ്ഞ് അവരുടെ ടീം മദ്യപിച്ചതിന് ശേഷം ഒരു കറുത്ത മന്ത്രവാദിനിയുടെ തൊപ്പി മാക്കന്റെ മേശപ്പുറത്ത് ഉപേക്ഷിച്ചു’- ലാഡ് ബൈബിള് റിപ്പോര്ട്ട് ചെയ്തു.’പിറ്റേന്ന് രാവിലെ, മാക്കന് ജോലിസ്ഥലത്തേക്ക് മടങ്ങിയെത്തിയപ്പോള്, എന്താണ് സംഭവിച്ചതെന്ന് അറിയാമോ എന്ന് അവള് ചാപ്മാനോട് ചോദിച്ചു, ‘എനിക്കറിയില്ലെന്ന് ഞാന് അവളോട് പറഞ്ഞു, പക്ഷേ ഇത് മദ്യപിച്ച ടീമംഗങ്ങളില് ഒരാളാണെന്ന് ഞാന് സംശയിച്ചു. കാരണം, തലേദിവസം വൈകുന്നേരം ഓഫീസിന്റെ ആ പ്രദേശത്ത് അവര് മാത്രമായിരുന്നു ഉണ്ടായിരുന്നത്. അത് അവരുടെ മദ്യപാനവുമായി ബന്ധപ്പെട്ടതാണ്. അത് അവര് മാത്രമേ ചെയ്യാന് സാധ്യതയുള്ളൂ’-എന്നവര് മറുപടി കൊടുത്തു.മാക്കന്റെ കേസ് ബ്രിട്ടീഷ് ട്രിബ്യൂണല് കേട്ടു. വിധിയില് അവരുടെ പുരുഷ മേലധികാരികള് ‘വെറുപ്പോടെയും പ്രതികാരത്തോടെയും’ പ്രവര്ത്തിച്ചുവെന്ന് പരാമര്ശിച്ചു. ബാങ്ക് അവരോട് മാപ്പ് പറയുന്നതില് പരാജയപ്പെട്ടതിനാല് നഷ്ടപരിഹാര തുകയും വര്ദ്ധിപ്പിച്ചു. നഷ്ടപരിഹാരമായി ബാങ്കര് ഇപ്പോള് 2,081,449 പൗണ്ട് (21,13,04,966 രൂപ) നേടിയിട്ടുണ്ട്. ഇത് ഒരു ബ്രിട്ടീഷ് ട്രിബ്യൂണല് ഇതുവരെ വിധിച്ച ഏറ്റവും വലിയ നഷ്ടപരിഹാരം തുകകളില് ഒന്നാണ്.
