തിരിച്ചുകയറി സ്വര്ണവില; ഇന്നത്തെ നിരക്കറിയാം
സംസ്ഥാനത്ത് ഇന്നലെ ഇടിഞ്ഞ സ്വര്ണവില തിരിച്ചുകയറി. പവന് 680 രൂപ വര്ധിച്ച് സ്വര്ണവില വീണ്ടും 58,000ന് മുകളില് എത്തി. 58,280 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 85 രൂപയാണ് വര്ധിച്ചത്. 7285 രൂപയാണ് ഒരു ഗ്രാം സ്വര്ണത്തിന്റെ വില. സ്വര്ണത്തിന് 1300 രൂപയുടെ കനത്ത ഇടിവാണ് ഇന്നലെ ഉണ്ടായത്.
അടുത്തിടെ ആദ്യമായാണ് സ്വര്ണവില ഒറ്റയടിക്ക് ആയിരത്തിലധികം രൂപ കുറഞ്ഞത്. അന്താരാഷ്ട്ര വിപണിയിലെ മാറ്റമാണ് സ്വര്ണവിലയില് പ്രതിഫലിച്ചത്.
രാജ്യാന്തര വിപണിയിലെ ചലനങ്ങള്ക്ക് അനുസരിച്ചാണ് രാജ്യത്ത് സ്വര്ണവില നിശ്ചയിക്കപ്പെടുന്നത്. ഡോളര് – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വര്ണവിലയെ സ്വാധീനിക്കുന്ന ഘടകങ്ങളാണ്.
ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും.
