നടിയെ ആക്രമിച്ച കേസ്: അതിജീവിതയുടെ ഹര്ജി ഹൈക്കോടതി തള്ളി
നടിയെ ആക്രമിച്ച കേസിലെ മെമ്മറി കാര്ഡ് ദൃശ്യങ്ങള് ചോര്ന്നതുമായി ബന്ധപ്പെട്ട അന്വേഷണ റിപ്പോര്ട്ട് റദ്ദാക്കണമെന്ന അതിജീവിതയുടെ ഹര്ജി ഹൈക്കോടതി തള്ളി. ജസ്റ്റിസ് സി എസ് ഡയസിന്റെ ബെഞ്ചാണ് അതിജീവിതയുടെ ഹര്ജി തള്ളിയത്. എറണാകുളം പ്രിന്സിപ്പല് സെഷന്സ് ജഡ്ജിയുടെ വസ്തുതാ അന്വേഷണ റിപ്പോര്ട്ട് റദ്ദാക്കണമെന്നായിരുന്നു ആവശ്യം. റിപ്പോര്ട്ട് പരി?ഗണിക്കരുതെന്നും പലരെയും സഹായിക്കുന്നതിനായി തയാറാക്കിയതാണ് റിപ്പോര്ട്ടെന്നുമായിരുന്നു അതിജീവിതയുടെ വാദം.
കേസിലെ പ്രധാന തെളിവായ മെമ്മറി കാര്ഡ് നിയമവിരുദ്ധമായി പരിശോധിച്ചെന്ന അതിജീവിതയുടെ പരാതിയിന്മേല് ഹൈക്കോടതി നിര്ദേശ പ്രകാരമായിരുന്നു ജില്ലാ പ്രിന്സിപ്പല് സെഷന്സ് കോടതി ജഡ്ജി അന്വേഷണം നടത്തി റിപ്പോര്ട്ട് നല്കിയത്. എന്നാല് റിപ്പോര്ട്ട് കുറ്റാരോപിതരെ സംരക്ഷിക്കുന്ന തരത്തിലാണെന്നും, മെമ്മറി കാര്ഡ് പരിശോധിച്ച ഫോണുള്പ്പെടെയുള്ള തെളിവുകള് കസ്റ്റഡിയിലെടുത്തില്ലെന്നുമാണ് അതിജീവിതയുടെ ആക്ഷേപം.
സിം?ഗിള് ബെഞ്ചാണ് ഹര്ജി തള്ളിയത്. അപ്പീല് നല്കി ഡിവിഷന് ബെഞ്ചിനെ സമീപിക്കാന് കഴിയാവുന്നതാണ്. കേസിലെ സുപ്രധാന തെളിവായ മെമ്മറി കാര്ഡ് കോടതിയുടെ കസ്റ്റഡിയിലിരിക്കെ മൂന്ന് തവണ നിയമ വിരുദ്ധമായി തുറന്നു പരിശോധിച്ചെന്നാണ് കണ്ടെത്തല്. സംഭവത്തില് ഐജി റാങ്കില് കുറയാത്ത പോലീസ് ഉദ്യോഗസ്ഥന്റെ നേതൃത്വത്തില് കോടതി നിരീക്ഷണത്തോടെ അന്വേഷണം വേണമെന്നായിരുന്നു അതിജീവിതയുടെ ആവശ്യം.
