പാലക്കാടില് രാഹുല് മാങ്കൂട്ടത്തില്, റെക്കോര്ഡ് ഭൂരിപക്ഷത്തില് മിന്നും ജയം
പാലക്കാട് ഉപതെരഞ്ഞെടുപ്പില് യുഡിഎഫ് സ്ഥാനാര്ത്ഥി രാഹുല് മാങ്കൂട്ടത്തിലിന് മിന്നും വിജയം. 18669 വോട്ടിന്റെ ഭൂരിപക്ഷത്തിലാണ് രാഹുല് മാങ്കൂട്ടത്തില് വിജയിച്ചത്. 2016ല് ഷാഫിയുടെ ഭൂരിപക്ഷം 17483 ആയിരുന്നു. രാഹുല് മാങ്കൂട്ടത്തില് ഇത് മറികടന്നു. പോസ്റ്റല് വോട്ടുകള് എണ്ണിത്തുടങ്ങിയപ്പോള് മുതല് ബിജെപി മുന്നിലായിരുന്നു. ഒരിടക്ക് രാഹുല് തിരിച്ചെത്തിയെങ്കിലും ബിജെപി തിരിച്ചു പിടിച്ചു. പിന്നീട് കണ്ടത് രാഹുലിന്റെ അപരാജിത കുതിപ്പാണ്. ആറാം റൗണ്ട് മുതലാണ് രാഹുല് മാങ്കൂട്ടത്തില് കളം നിറഞ്ഞത്. പാലക്കാടിന്റെ ചരിത്രത്തിലെ റെക്കോര്ഡ് ഭൂരിപക്ഷമാണ് രാഹുല് നേടിയത്. പത്തനംതിട്ടയില് നിന്ന് പാലക്കാടെത്തിയ രാഹുല് മാങ്കൂട്ടത്തില് ഷാഫിയുടെ പിന്?ഗാമിയായി.
57912 വോട്ടുകളാണ് രാഹുല് മാങ്കൂട്ടത്തില് നേടിയത്. ബിജെപി സ്ഥാനാര്ത്ഥി സി കൃഷ്ണകുമാറിന് 39243 വോട്ടാണ് നേടാന് സാധിച്ചത്. പി സരിന് 37046 വോട്ട് നേടി മൂന്നാം സ്ഥാനത്തായി.
പിരായിരി പഞ്ചായത്തിലെ വോട്ടര്മാരാണ് രാഹുലിനെ തുണച്ചത്. ഇവിടെ വോട്ട് എണ്ണിയപ്പോള് രാഹുലിന്റെ ലീഡ് കുത്തനെ ഉയരുകയായിരുന്നു. 6775 വോട്ട് നേടിയ രാഹുല് ബിജെപി സ്ഥാനാര്ത്ഥി കൃഷ്ണകുമാറിനെക്കാള് 4124 വോട്ടുകളുടെ മുന്തൂക്കവും പിരായിരിയില് നേടി. ഒന്പതാം റൗണ്ട് വോട്ടെണ്ണല് പൂര്ത്തിയായപ്പോള് 10291 വോട്ട് ലീഡാണ് രാഹുലിനുണ്ടായിരുന്നത്.
തുടക്കം മുതല് അതിശക്തമായ ത്രികോണ മത്സരം എന്ന പ്രതീതിയാണ് പാലക്കാടുണ്ടായത്. രാഷ്ട്രീയ വിവാദ ചുഴികളും പാളയത്തില് പടയും എല്ലാമുണ്ടായിരുന്നുവെങ്കിലും ഞെട്ടിക്കുന്ന ഭൂരിപക്ഷമാണ് ഉണ്ടായത്. ഏതാണ്ട് എല്ലാ പഞ്ചായത്തുകളും ന?ഗരസഭയുമെല്ലാം രാഹുല് മാങ്കൂട്ടത്തിലിനൊപ്പം നിന്നു എന്നാണ് കണക്കുകള് വ്യക്തമാക്കുന്നത്.
