കൊച്ചി: പെരിയാറില് രാസമാലിന്യം കലര്ന്ന് മത്സ്യങ്ങള് കൂട്ടത്തോടെ ചത്തുപൊങ്ങിയ സംഭവത്തില് ഏലൂരിലെ മലിനീകരണ നിയന്ത്രണ ബോര്ഡിന് മുന്നില് പ്രതിഷേധവുമായി മത്സ്യക്കര്ഷകര്. ഉദ്യോ?ഗസ്ഥരുടെ അനാസ്ഥക്കെതിരെ ചത്ത മീനുകളുമായി എത്തിയാണ് മത്സ്യക്കര്ഷകര് പ്രതിഷേധിക്കുന്നത്. ഓഫീസിന്റെ പരിസരത്തേക്ക് ചീഞ്ഞ മത്സ്യം പ്രതിഷേധക്കാര് വലിച്ചെറിഞ്ഞു. പ്രതിഷേധക്കാരും പൊലീസും തമ്മില് ഉന്തും തള്ളും വാക്കേറ്റവുമുണ്ടായി. വലിയ കുട്ടകളിലാണ് ചത്ത മീനുകളുമായി പ്രതിഷേധക്കാരെത്തിയത്. സമീപകാലത്തുണ്ടാകാത്ത വിധത്തിലായിരുന്നു ജനരോഷം. മത്സ്യങ്ങളെറിയാനുള്ള ശ്രമം പൊലീസ് ഇടപെട്ട് തടഞ്ഞെങ്കിലും വിജയിച്ചില്ല. കോടികളുടെ നാശനഷ്ടമാണ് തങ്ങള്ക്കുണ്ടായതെന്ന് മത്സ്യക്കര്ഷകര് ഒരേ ശബ്ദത്തില് പറയുന്നു. സര്ക്കാര് സ്ഥാനപനങ്ങളുടെ അനാസ്ഥയാണ് ഈ ദുരന്തത്തിന് പിന്നിലെന്നും ഇവര് ചൂണ്ടിക്കാണിക്കുന്നു. ഇത്രയധികം നഷ്ടം ഇതുവരെ മത്സ്യക്കര്ഷകര്ക്ക് ണ്ടായിട്ടില്ലെന്നാണ് പ്രതിഷേധക്കാര് പറയുന്നത്. പെരിയാറില് രാസമാലിന്യം ഒഴുക്കിയതിനെ തുടര്ന്ന് മത്സ്യങ്ങള് കൂട്ടത്തോടെ ചത്തുപൊങ്ങിയ സംഭവത്തില് പ്രാഥമിക കണക്കുമായി ഫിഷറീസ് വകുപ്പ് രം?ഗത്തെത്തിയിരുന്നു. 150ലേറെ മത്സ്യക്കൂടുകള് പൂര്ണ്ണമായി നശിച്ചുപോയിട്ടുണ്ട്. സംഭവത്തെ തുടര്ന്ന് കോടികളുടെ നഷ്ടമാണ് മത്സ്യക്കര്ഷകര്ക്കുണ്ടായിരിക്കുന്നത്. വരാപ്പുഴ, ചേരാനെല്ലൂര്, കടമക്കുടി പഞ്ചായത്തുകളിലാണ് ഏറ്റവും കൂടുതല് നഷ്ടമുണ്ടായിരിക്കുന്നത്. വരാപ്പുഴയിലാണ് ഏറ്റവും കൂടുതല് മത്സ്യങ്ങള് ചത്തത്. കൊച്ചി കോര്പ്പറേഷന് മേഖലയിലേക്കും വിഷപ്പുഴ ഒഴുകിയതായി ഫിഷറീസ് വകുപ്പ് റിപ്പോര്ട്ടില് പറയുന്നു.
