പെരിയ ഇരട്ടക്കൊലക്കേസില് ശിക്ഷിക്കപ്പെട്ട 9 പ്രതികളെ വിയ്യൂര് ജയിലില് നിന്നും കണ്ണൂര് സെന്ട്രല് ജയിലിലെത്തിച്ചു.
കണ്ണൂര്: പെരിയ ഇരട്ടക്കൊലക്കേസില് ശിക്ഷിക്കപ്പെട്ട 9 പ്രതികളെ വിയ്യൂര് ജയിലില് നിന്നും കണ്ണൂര് സെന്ട്രല് ജയിലിലെത്തിച്ചു. കെ വി കുഞ്ഞിരാമന് ഉള്പ്പെടെയുള്ള പ്രതികളെയാണ് കണ്ണൂരിലെത്തിച്ചിരിക്കുന്നത്. പി ജയരാജന് ഉള്പ്പെടെയുള്ള സിപിഎം നേതാക്കള് ജയിലിന് മുന്നില് എത്തിച്ചേര്ന്നിരുന്നു. കോടതിവിധി അന്തിമമല്ലെന്നും കമ്യൂണിസ്റ്റുകാരെ തടവറ കാണിച്ച് പേടിപ്പിക്കണ്ട എന്നായിരുന്നു ജയരാജന്റെ പ്രതികരണം. സിപിഎംകാര് കൊല്ലപ്പെടുമ്പോള് ധാര്മിക ബോധം കാശിക്കുപോയോ എന്നും കമ്യൂണിസ്റ്റുകാര് കൊല്ലപ്പെടേണ്ടവരാണന്നാണോ ധാരണയെന്നും ജയരാജന് ചോദിച്ചു. പ്രതികളെ ജയിലിലെത്തിക്കുന്ന സമയം മുദ്രാവാക്യം വിളികളുമായി സിപിഎം പ്രവര്ത്തകര് ജയിലിന് പുറത്തുണ്ടായിരുന്നു.
വിചാരണ കോടതിയായ കൊച്ചി സിബിഐ കോടതിയുടെ നിര്ദ്ദേശത്തെ തുടര്ന്നാണ് മാറ്റം. ബന്ധുക്കള്ക്കടക്കം വന്നുകാണാന് കണ്ണൂരിലേക്ക് മാറ്റണമെന്ന് പ്രതിഭാഗം കോടതിയില് ആവശ്യപ്പെട്ടിരുന്നു, ഇത് വിചാരണ കോടതി അംഗീകരിച്ച സാഹചര്യത്തിലാണ് പ്രതികളുടെ ജയില് മാറ്റം.
‘ജയില് പെരിയ കുറ്റവാളികള്ക്ക് സ്വര്?ഗലോകം പോലെ’ എന്നായിരുന്നു ശരത് ലാലിന്റെ അച്ഛന് സത്യനാരായണന്റെ പ്രതികരണം. സിപിഎം എന്നാല് എന്തുമാകാമെന്നും കുറ്റവാളികളെ സംരക്ഷിക്കുന്ന സിപിഎം രീതി നാടിനെ ഭയപ്പെടുത്തുന്നു എന്നും സത്യനാരായണന് പറഞ്ഞു. സിപിഎമ്മിന് ഇനിയും തിരിച്ചറിവായിട്ടില്ലെന്നും കുറ്റവാളികളെ കൈകാര്യം ചെയ്യുന്നത് സ്വാതന്ത്ര്യ സമരത്തില് പങ്കെടുത്തവരെ പോലെയെന്നും കൃപേഷിന്റെ അച്ഛന് കൃഷ്ണനും പറഞ്ഞു.
ബാലരാമപുരത്ത് ക്ഷേത്രത്തിന് നേരെ സ്ഫോടക വസ്തു എറിഞ്ഞു
തിരുവനന്തപുരം:ഓട്ടോറിക്ഷയിലെത്തിയ അക്രമികളെ തിരഞ്ഞ് പൊലീസ്തിരുവനന്തപുരം ബാലരാമപുരത്തെ കാട്…
