ദില്ലി: മന് കി ബാത്തിലൂടെ പ്രധാനമന്ത്രി നരേന്ദ്രമോദി ഇന്ന് രാജ്യത്തെ അഭിസംബോധന ചെയ്യും. ഒമിക്രോണ് വകഭേദം വെല്ലുവിളി ഉയര്ത്തുന്ന പശ്ചാത്തലത്തില് പ്രധാനമന്ത്രിയുടെ അഭിസംബോധനയ്ക്ക് പ്രധാന്യമേറും.ലോകത്ത് ഒമിക്രോണ് വകഭേദം ഉയര്ത്തുന്ന ഭീഷണിയെക്കുറിച്ചാകും പ്രധാനമായും മോദി മന് കി ബാത്തില് പ്രതിപാദിക്കുക. രാജ്യത്ത് കൊവിഡ് ജാഗ്രത കൈവിടരുതെന്ന സന്ദേശം പ്രധാനമന്ത്രി നല്കുമെന്നാണ് പ്രതീക്ഷ.പുതിയ കൊവിഡ് വകഭേദത്തില് പരിഭ്രാന്ത്രി വേണ്ടെന്ന് ഐസിഎംആര് അറിയിച്ചു,ജാഗ്രത തുടര്ന്നാല് മതി.അതിതീവ്ര വ്യാപനത്തിനുള്ള തെളിവുകള് ഇതുവരെയില്ലവാക്സിനേഷന് നടപടിയെ പുതിയസാഹചര്യം ബാധിക്കരുത് എന്നും ഐസിഎംആര്.ചില രാജ്യങ്ങളില് നിന്നുള്ള വിമാനസര്വ്വീസുകള്ക്ക് ഇന്ത്യ നിയന്ത്രണം തുടര്ന്നേക്കും
കൂടുതല് രാജ്യങ്ങളില് ഒമിക്രോണ് സാന്നിധ്യം സ്ഥിരീകരിച്ചതോടെ അന്താരാഷ്ട്ര യാത്രാ നിയന്ത്രണങ്ങള് നീക്കാനുള്ള തീരുമാനം പുനപരിശോധിക്കാനുള്ള നീക്കത്തിലാണ് കേന്ദ്ര സര്ക്കാര്. വിമാനത്താവളങ്ങളില് ഉള്പ്പടെ പരിശോധന കര്ശനമാക്കാന് ആരോഗ്യ മന്ത്രാലയം സംസ്ഥാനങ്ങള്ക്ക് നിര്ദേശം നല്കിയിട്ടുണ്ട്. ജാഗ്രത നിര്ദേശം ലഭിച്ചതിന് പിന്നാലെ വിവിധ സംസ്ഥാനങ്ങളും വിദേശ യാത്രക്കാര്ക്ക് നിയന്ത്രണങ്ങള് ഏര്പ്പെടുത്തി. ഗുജറാത്ത്, മഹാരാഷ്ട്ര, ദില്ലി തുടങ്ങിയ ഇടങ്ങളില് എല്ലാം നിയന്ത്രണങ്ങള് കടുപ്പിച്ചു. ഇതിന് പുറമെ മുംബൈ വിമാനത്താവളത്തില് ദക്ഷിണാഫ്രിക്കയില് നിന്നും എത്തുന്നവര്ക്ക് ക്വാറന്റീനും ഏര്പ്പെടുത്തി. ഉത്തരാഖണ്ഡ്, കര്ണാടക തുടങ്ങിയ സംസ്ഥാങ്ങളിലെല്ലാം സ്ഥിതി വിലയിരുത്താന് മുഖ്യമന്ത്രിമാര് പ്രത്യേകം യോഗം വിളിച്ചു ചേര്ത്തിരുന്നു.കൊവിഡ് വൈറസിന്റെ പുതിയ വകഭേദമായ ഒമിക്രോണ് ഉയര്ത്തുന്ന വെല്ലുവിളി നേരിടാന് നടപടികള് സ്വീകരിക്കാന് പ്രധാനമന്ത്രി ഇന്നലെ നിര്ദേശം നല്കിയിരുന്നു. ഒമിക്രോണ് വകഭേദം വിവിധ ലോകരാജ്യങ്ങളില് കണ്ടെത്തിയതിനെ തുടര്ന്ന് വിളിച്ചു ചേര്ത്ത അവലോകന യോഗത്തിലായിരുന്നു രാജ്യത്ത് ജാഗ്രത കടുപ്പിക്കാന് നരേന്ദ്രമോദി ആവശ്യപ്പെട്ടത്. കൊവിഡ് വൈറസിന്റെ പുതിയ വകഭേദമായ ഒമിക്രോണ് കൂടുതല് രാജ്യങ്ങളില് റിപ്പോര്ട്ട് ചെയ്ത സാഹചര്യത്തില് അന്താരാഷ്ട്ര യാത്ര നിയന്ത്രണങ്ങള് നീക്കിയ നടപടി പുനപരിശോധിക്കണമെന്ന് അവലോകനയോഗത്തില് പ്രധാനമന്ത്രി ഉദ്യോഗസ്ഥരോട് ആവശ്യപ്പെട്ടിരുന്നു.പുതിയ വകഭേദത്തിലൂടെ ഉണ്ടാവുന്ന ഭീഷണി നേരിടണമെന്നും അതിനായി വേണ്ട നടപടികള്സ്വീകരിക്കണമെന്നും നരേന്ദ്രമോദി നിര്ദേശിച്ചു. ഒമിക്രോണ് വൈറസിനെതിരെ ജനങ്ങള് ജാഗ്രത പാലിക്കണമെന്നും പ്രതിരോധമുറപ്പിക്കാന് കൊവിഡ് വാക്സീന് രണ്ടാം ഡോസിന്റെ വിതരണം വേഗത്തിലാക്കണമെന്നും പ്രധാനമന്ത്രി ആവശ്യപ്പെട്ടു. വിദേശ രാജ്യങ്ങളില് കൊവിഡിന്റെ പുതിയ വകഭേദമായ ഒമിക്രോണ് കണ്ടെത്തിയതിന് പിന്നാലെയാണ് ഉന്നതതലയോഗം വിളിച്ച് പ്രധാനമന്ത്രി ഇന്നലെ സാഹചര്യം വിലയിരുത്തിയത്.അതേസമയം ലോകത്ത് ഒമിക്രോണ് വൈറസ് ഭീതി വര്ധിക്കുകയാണ്. യൂറോപ്യന് രാജ്യങ്ങളും അമേരിക്കയും ദക്ഷിണാഫ്രിക്കയില് നിന്നുള്ള യാത്രക്കാര്ക്ക് വിലക്ക് പ്രഖ്യാപിച്ചു. മിക്ക വിമാന കമ്ബനികളുംആഫ്രിക്കന് സര്വീസുകള് ഇനിയൊരു അറിയിപ്പ് ഉണ്ടാകും വരെ റദ്ദാക്കി. ബെല്ജിയവും ജെര്മനിയുമാണ് ഇതുവരെ ഒമിക്രോണ് വൈറസ് സ്ഥിരീകരിച്ച യൂറോപ്യന് രാജ്യങ്ങള്.ദക്ഷിണാഫ്രിക്കയില് നിന്ന് ഹോളണ്ടിലെ ആംസ്റ്റര്ഡാമില് എത്തിയ 61 പേര്ക്ക് കൊവിഡ് സ്ഥിരീകരിച്ചിരുന്നു. ഇവരെ ബാധിച്ചത് ഒമൈക്രോണ് ആണോയെന്നറിയാന് പരിശോധന തുടങ്ങി. വിമാനത്തില് വന്ന മുഴുവന് പേരെയും ക്വാറന്റീനില് ആക്കിയിട്ടുണ്ട്. ബെല്ജിയത്തിലെ രോഗി എത്തിയ വിമാത്തിലെത്തിയ അറുന്നൂറോളം യാത്രക്കാരെ നിരീക്ഷണത്തിലേക്ക് മാറ്റിയിരുന്നു.മിക്ക രാജ്യങ്ങളും ആഫ്രിക്കയിലേക്കുള്ള വിമാനസര്വീസുകള് നിര്ത്തി. ഇപ്പോള് നൂറോളം പേരില് മാത്രമാണ് പുതിയ വൈറസ്
സ്ഥിരീകരിച്ചതെങ്കിലും ഇതിനകം ആയിരക്കണക്കിനാളുകളിലേക്ക് പടര്ന്നിരിക്കാമെന്ന് വിദഗ്ധര് കരുതുന്നു. അതിവേഗ ഘടനാമാറ്റവും തീവ്ര വ്യാപന ശേഷിയുമുള്ള വൈറസിനെ ഇതുവരെയുള്ളതില് ഏറ്റവും ആശങ്കപ്പെടുത്തുന്ന വക ഭേദം ആയി ലോകാര്യോഗ്യസംഘടന പ്രഖ്യാപിച്ചിട്ടുണ്ട്. തിരിച്ചറിയപ്പെടാതെ പല രാജ്യങ്ങളിലും ഒമൈക്രോണ് വൈറസ് എത്തിയിരിക്കാമെന്നാണ് നിഗമനം. വാക്സീനുകളെ മറികടക്കന്സ് ശേഷിയുണ്ടെന്നും സംശയമുണ്ട്. യഥാര്ത്ഥ കൊറോണ വൈറസില് നിന്ന് ഏറെ മാറ്റം സംഭവിച്ചതിനാല് ഒരിക്കല് രോഗം വന്നവര്ക്ക് വീണ്ടും വരാനും സാധ്യതയുണ്ട്.അതേസമയം രോഗബാധയുടെ പേരില് ഒറ്റപ്പെടുത്തരുതെന്നും വ്യോമഗതാഗതം തടയരുതെന്നും ലോകരാജ്യങ്ങളോട് ദക്ഷിണാഫ്രിക്ക അഭ്യര്ത്ഥിച്ചു. അനാവശ്യ ഭീതിയില് വിവേചനമില്ലാത്ത വിലക്ക് പാടില്ലെന്ന് ലോകാരോഗ്യ സംഘടനയും
അഭ്യര്ത്ഥിച്ചു. അതിനിടെ ലോക വ്യാപാര സംഘടന ജനീവയില് നടത്താനിരുന്ന യോഗം മാറ്റിവെച്ചിട്ടുണ്ട്.
