ശബരിമല മണ്ഡല ഉത്സവവുമായി ബന്ധപ്പെട്ട് ഏര്പ്പെടുത്തിയിട്ടുള്ള ക്രമീകരണങ്ങള് വിലയിരുത്തുന്നതിന് നവംബര് 12ന് ഉച്ചകഴിഞ്ഞ് മൂന്നിന് ഓണ്ലൈനായി ജില്ലാ കളക്ടര് പി.ബി. നൂഹിന്റെ അധ്യക്ഷതയില് യോഗം ചേരും.ഏറത്ത് ഗ്രാമപഞ്ചായത്ത് വാര്ഡ് 12 പുത്തുമല ലക്ഷംവീട് കോളനി ഭാഗം (മൈക്രോ കണ്ടെയ്ന്മെന്റ് സോണ്) എന്ന പ്രദേശത്ത് നവംബര് ഒന്പതു മുതല് ഏഴു ദിവസത്തേക്ക് കണ്ടെയ്ന്മെന്റ് സോണ് നിയന്ത്രണം ഏര്പ്പെടുത്തി.രോഗം സ്ഥിരീകരിച്ചവരുടെ പ്രാഥമിക സമ്പര്ക്കപട്ടിക ഉയരുന്നതു കണക്കിലെടുത്ത് പത്തനംതിട്ട ജില്ലാ മെഡിക്കല് ഓഫീസറുടെ (ആരോഗ്യം) ശുപാര്ശ പ്രകാരമാണ് പുതിയ കണ്ടെയ്ന്മെന്റ് സോണുകള് പത്തനംതിട്ട ജില്ലാ ദുരന്തനിവാരണ അതോറിറ്റി ചെയര്മാന് കൂടിയായ ജില്ലാ കളക്ടര് പി.ബി. നൂഹ് പ്രഖ്യാപിച്ചത്.നാറാണംമൂഴി ഗ്രാമപഞ്ചായത്തിലെ വാര്ഡ് ഒന്ന് (പത്തേക്കര് ഭാഗം) എന്ന പ്രദേശത്തെ നവംബര് 10 മുതല് കണ്ടെയ്ന്മെന്റ് സോണ് നിയന്ത്രണത്തില് നിന്നും ഒഴിവാക്കി ജില്ലാ ദുരന്ത നിവാരണ അതോറിറ്റി ചെയര്മാനും ജില്ലാ മജിസ്ട്രേറ്റും കൂടിയായ ജില്ലാ കളക്ടര് പി.ബി. നൂഹ് ഉത്തരവ് പുറപ്പെടുവിച്ചു.നിലവില് പ്രഖ്യാപിച്ച കണ്ടെയ്ന്മെന്റ് സോണ് നിയന്ത്രണം അവസാനിക്കുന്ന സാഹചര്യത്തിലും, കണ്ടെയ്ന്മെന്റ് സോണ് നിയന്ത്രണം ദീര്ഘിപ്പിക്കണമെന്നുള്ള പത്തനംതിട്ട ജില്ലാ മെഡിക്കല് ഓഫീസറുടെ (ആരോഗ്യം) ശുപാര്ശ ലഭ്യമാകാത്ത സാഹചര്യത്തിലുമാണ് ഒഴിവാക്കി ഉത്തരവായത്.
