തിരുവനന്തപുരം: സംസ്ഥാനത്ത് ഇടിയോട് കൂടിയ ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. ഉച്ചയ്ക്ക് രണ്ട് മണി മുതല് 10 മണി വരെയുള്ള സമയത്ത് ഇടിമിന്നലിനുള്ള സാധ്യതയുമുണ്ട്. കിഴക്കന് കാറ്റ് ശക്തിപ്രാപിക്കുന്നതിന്റെയും ആഗോള കാലാവസ്ഥ പ്രതിഭാസമായ മാഡന് ജൂലിയന് ഓസിലേഷന്റെ സാന്നിധ്യവുമാണ് കേരളത്തില് ഈ ഒരാഴ്ച്ച മഴ ശക്തിപ്പെടാന് കാരണം.ഇടുക്കി, പാലക്കാട്, മലപ്പുറം, കോഴിക്കോട്, വയനാട് ജില്ലകളില് യെലോ അലേര്ട് പ്രഖ്യാപിച്ചു. ഞായര്, തിങ്കള് ദിവസങ്ങളിലും വിവിധ ജില്ലകളില് മഴ മുന്നറിയിപ്പുണ്ട്. സംസ്ഥാനത്ത് ഞായറാഴ്ച പത്തനംതിട്ട, ഇടുക്കി ജില്ലകളിലും തിങ്കളാഴ്ച പത്തനംതിട്ട, ഇടുക്കി, മലപ്പുറം ജില്ലകളിലും യെലോ അലേര്ട് പ്രഖ്യാപിച്ചിട്ടുണ്ട്.
