‘സ്വ
ര്ണമണിയുന്നത് കനവാ’കുമോ?; ഒറ്റയടിക്ക് വര്ധിച്ചത് 640 രൂപ
സംസ്ഥാനത്ത് സ്വര്ണവില കുതിച്ചുയരുന്നു. തുടര്ച്ചയായ മൂന്നാം ദിവസമാണ് സ്വര്ണവില സര്വകാല റെക്കോഡ് തിരുത്തുന്നത്. പവന് 640 രൂപ കൂടി 57,920 രൂപയും ഗ്രാമിന് 80 രൂപ ഉയര്ന്ന് 7,240 രൂപയുമാണ് ഇന്നത്തെ വില.
രാജ്യാന്തര വിപണിയില് സ്വര്ണം ഔണ്സിന് റെക്കോഡ് നിലവാരമായ 2,700 ഡോളറിന് മുകളിലാണ് വ്യാപാരം നടത്തുന്നത്. ഇതിന്റെ ചുവട് പിടിച്ചാണ് ഇന്ത്യന് വിപണിയിലും വില കുതിച്ചത്. ഉത്സവ-വിവാഹ സീസണിലെ വിലക്കയറ്റം ഉപഭോക്താക്കള്ക്ക് തിരിച്ചടിയാകും. ഈ മാസം ഇതുവരെ ഒരു പവന് കൂടിയത് 1,520 രൂപയാണ്. 10 ശതമാനം പണിക്കൂലിയും ജി.എസ്.ടിയും ചേര്ത്ത് 65,000 രൂപയിലേറെ ചെലവാകും.
അമേരിക്കന് ഫെഡറല് റിസര്വ് നവംബറില് പലിശ വീണ്ടും കുറയ്ക്കും എന്ന പ്രതീക്ഷയും യു എസ് പ്രസിഡന്റ് തെരഞ്ഞെടുപ്പില് ആര് ജയിക്കുമെന്നതും പശ്ചിമേഷ്യന് സംഘര്ഷങ്ങളുമൊക്കെ രാജ്യാന്തര വിപണിയില് സ്വര്ണവില ഉയരാനിടയാക്കിയിട്ടുണ്ട്.
